Jeremia 23:39 - ÎVUKU RÎA ÛVORO MWARO

³⁹ nîngamaûkîrîria na nîmate maume vakuvî nanie, o ene, îtûûra rîrîa namaveere wana methe mao.

Jeremia 23:39 ပူးပေါင်းရင်းမြစ်များ

Kîam 4:16

Nake Kaini nîwathengutîre Ngai-Mûnene na akîthiî gûtûûra vûrûrirî wetagwa Nodi mwena wa îrathîro wa Edeni.

Kîam 6:17

Nie nîngûtûma nthî yonthe îcûre manjî mathirie indo cionthe irîa itûûraga gûkû nthî.

2Atha 23:27

Ngai-Mûnene nîwaugire atîrî, “Nîngengata andû a Juda maume kûrî nie wata ûrîa nekire andû a Isiraeli, na nîngaatiganîria Jerusalemu îtûûra rîrîa nathuurire na hekarû, varîa naugire nîvo mbagîrîrwe nî kûgoocerwa.”

Thaburi 51:11

Ndûkamîngate nyume kûrî we; na ndûkarute roho waku mûtheru kûrî nie.

Nthi 13:13

Mûndû ûrîa wîraga mataaro ecaragîria thîna ke mwene, nwatî mûndû ûrîa ûtîîaga maathani ma Ngai nîavecagwa kîveo.

Isaia 48:15

Nie nînie naririe maûndû mau na ngîmwîta, nînie namûtongoririe na mûvango wake nîûkaavua.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 23:33

Ngai-Mûnene aambîrire atîrî, “Mûrathi kana mûthînjîri-Ngai, kana mûndû ûmwe wa andû aya angîgakûûria atî, ‘Ndûmîrîri ndito ya Ngai-Mûnene nî ndûî?’ Nîûkaamûcokeria atî, ‘Mue nîmue mûrigo kûrî Ngai-Mûnene nake nîakûmûtecanîria.’

Jeremia 23:38

Nwatî mangîregana na watho wakwa na mauge atî, ‘Ndûmîrîri ndito ya Ngai-Mûnene,’ namakaanirie matikauge ndûmîrîri ndito ya Ngai-Mûnene, meere atî

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 36:31

Na nîngamûverithia, njiarwa ciake na ndungata ciake nîûndû wa mevia mao. Nîngamaretera atûûri a Jerusalemu vamwe na andû a Juda maûndû monthe macûku marîa naaririe îgûrû rîao na makîrega kwîgua.”

Jeremia 52:3

Nake Ngai-Mûnene nîwarakarire mûno nîûndû wa andû a Jerusalemu na a Juda nginya akîmengata maume vakuvî nake. Nake Zedekia nîwareganire na Nebukadinezarû, mûthamaki wa Babuloni.

Jeremia 7:14

Kwoguo, nîmbîka hekarû yakwa îrîa mwîvokete na kûndû gûkû naveere methe menyu ta ûrîa nekire Shilo.

Jeremia 7:15

Nîmwîngata mume mbere yakwa wata ûrîa nengatire andû enyu onthe, njiarwa cia Efiraimu.”

Maca 5:20

Nîndûî gîtûmîte ûtûûre ûriganîrîtwe nîtue? Nîndûî gîtûmîte ûtûûre ûtûtiganîrîtie?

Ezek 34:11

“Nie Ngai-Mûnene Ngai nîrauga atî, nie mwene nîngaacaria ng'ondu ciakwa na nîimenyerere.

Ezek 34:20

“Kwoguo, nie Ngai-Mûnene Ngai nîramwîra atî nîngaatwithania ciira gatagatî ka ng'ondu irîa noru na ng'ondu irîa ng'înju.

Ezek 5:8

Kwoguo, nie Ngai-Mûnene wana nie nîngûregana namue na nîngaamûtuîra ciira ndûrîrî ikîonaga.

Ezek 6:3

ûciîre, mue irîma cia Isiraeli thikîrîriani ciugo cia Ngai-Mûnene! Mwathani Ngai nîwarîrîtie irîma na tûrîma, ivarûrûko na cianda na agaciîra atî: nie nîngaamûretithîria mbaara na nîngaacûkangia kûndû kûrîa mûgoocagîra ngai cia mîvuanano.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:6

Ûragani athuuri arîa akûrû na arîa anini, mûrage anake na erîtu, ciana na aka, nwatî mûtikavutie mûndû ûrî na rûûri ûthiû wake. Ambîrîriani hekarûrî yakwa.” Kwoguo nîmaambîrîrie kûraga athuuri arîa maarî mbere ya hekarû.

Hosea 4:6

Andû akwa makucaga nîûndû wa gûtura ûmenyo; nîûndû we mûthînjîri-Ngai nîûreganîte na ûmenyo, nînarega ûtuîke mûthînjîri-Ngai wakwa. Nîûndû we nîûriganîrîtwe nî watho wa Ngai waku, wananie nîngariganîrwa nî ciana ciaku.

Hosea 5:14

Nie ngethîrwa mbîkariî ta mûnyambû kûrî Efiraimu, ngethîrwa mbîkariî ta kaana ka mûnyambû kûrî Juda. Nie mwene nîngamatarûranga tûnuku ngînathiî, nîngamoca na gûtirî mûndû ûkaamavonokia.

Alawi 26:28

nîngaaregana namue nîrî na marakara, na nîmûverithie maita mûgwanja nîûndû wa mevia menyu.

Mathaayo 25:41

“Mûthamaki nîagaacoka ere arîa makeethîrwa marî mwena wake wa ûmotho atîrî, ‘Nthengutîrani ava, mue arîa arume nî Ngai! Thiîni mwakirî wa tene na tene ûrîa ûthondekeretwe Ngoma na araika ake.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.