Jeremia 23:24 - ÎVUKU RÎA ÛVORO MWARO

²⁴ Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Jeremia 23:24 ပူးပေါင်းရင်းမြစ်များ

Kîam 16:13

Hagari nîweyûririe atîrî, “Nîkwa monete Ngai na ngatûûra mwoyo?” Kwoguo Hagari nîwetire Ngai-Mûnene ûcio wamwarîrie, “Ngai ûrîa wonaga.”

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Maû 2:6

Nwatî nî ûrîkû ûngîvota kûmûtumîra nyomba, nîûndû wana îgûrû, kûrîa îgûrû mûno ndangîganîra kuo. Nie nîrî û atî nîmûtumîre nyomba tiga nwa ndumire vandû va kûvîvagîria Ngai ûbani?

2Maû 6:18

“Nwatî we Ngai, nama nwa ûtûûre gûkû nthî na andû? Taroria, îgûrû, wana îgûrû mûno matuurî ndûngîganîra kuo, kwoguo ûngîvota kwîganîra atîa hekarû îno ndumîte?

Ayubu 34:21

“Metho make maroragia mîthiîre ya andû, na nîonaga mîthiîre yao yonthe.

Ayubu 34:22

Gûtirî nduma îngîtumana, ûndû Ngai atangîona andû arîa evia.

Thaburi 10:11

Andû arîa aganu meîraga na ngoro atîrî, “Ngai nî mûriganîre! Nîathithîte ûthiû wake na ndonaga wanarî kîndû!”

Thaburi 139:7

Nîngîthiî kû nîguo mbûrîre Roho waku? Kana nî mbûrîra kû nyume kûrî we?

Thaburi 139:8

Nîngiunûkia îgûrû, we wî kuo; nîngîmama kwa arîa akuû we wî kuo.

Thaburi 148:13

Andû onthe nîmakumie rîîtwa rîa Ngai-Mûnene, nîûndû rîîtwa rîake nî rînene gûkîra marîîtwa monthe. Riiri wake nî mûnene gûkîra nthî na îgûrû.

Thaburi 90:8

We wigîte mavîtia metû mbere yaku, mevia metû marîa marî nthithorî nîûmonaga.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Jeremia 49:10

Nwatî nie ndigîte njiarwa cia Esaû itarî kîndû, na nîngunûrîte kûrîa methithîte, ndangîvota kwîthitha rîngî. Andû onthe a Esaû nîmacûkangîtue; gûtirî wanarî ûmwe wao mûtigaru.

Ezek 8:12

Ngai nîwacokire akîmbîra atîrî, “We mûndû, nîûrona maûndû marîa atongoria a Isiraeli mareka na nthitho? Wa mûndû arî nyomba gwake akîgooca mîvuanano. Meîraga atî, ‘Ngai-Mûnene ndaratwona! Ke nîatiganîrîtie vûrûri wetû.’ ”

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Danieli 2:22

Ke nîaguûragia maûndû marîa mathithe; nîaicî maûndû marîa marî ndumarî, na ke mwene nî ûtheri.

Danieli 4:35

Andû onthe a nthî nî a mana methorî make. Nîke wathaga araika arîa marî îgûrû Vamwe na andû arîa matûûraga gûkû nthî. Gûtirî mûndû ûngîregana na wendi wake kana ûngîgîa na kîûria îgûrû rîa ciîko ciake.

Aefeso 1:23

Kanitha nî mwîrî wa Kristû, na nîîcûrîtwe nî Kristû ûrîa arî ke wîcûru wa maûndû monthe marîa marî kûndû kuonthe.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.