Jeremia 23:19 - ÎVUKU RÎA ÛVORO MWARO

¹⁹ Ta roria, marakara kuuma kûrî Ngai-Mûnene maûkîte ta rûkûngi rûnene rwa kûringa kîongo Kîam andû arîa aganu.

Jeremia 23:19 ပူးပေါင်းရင်းမြစ်များ

Thaburi 58:9

Nîmagaatemangwa matakûmenya ta ria, Ngai nîakaamavuruta arî na marakara mathire, na îvenya makîria ya ûrîa nyûngû îviûvaga îrî riiko.

Nthi 1:27

rîrîa kîmako gîgaaûka kûrî mue ta rûkûngi rûnene, na mathîna mamwîthîrîrie ta rûkûngi rûnene, rîrîa mûkaanyitwa nî kîeva na ûrûrû.

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Isaia 21:1

Îno nîyo ndûmîrîri îgiî ûrathi wa Babuloni: Ta ûrîa rûkûngi rûnene rûvurutanaga kuuma îveti, ûguo nîguo thîna mûnene ûgaaûka umîte werûrî, vûrûrirî wa gwîtigîrwa.

Isaia 40:24

Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.

Jeremia 25:31

Înegene rîu nîrîkeguua nthî yonthe, nîûndû Ngai-Mûnene nîagaacirithia mavûrûri, nîagaatuîra andû onthe, na aûrage arîa onthe aganu. Ûguo nîguo Ngai-Mûnene arauga.’ ”

Jeremia 25:32

Ngai-Mûnene mwene vinya wonthe arauga atîrî, “Taroria mûthiro ûranyita vûrûri ûmwe kûthiî ûrîa wîngî, na rûkûngi rûnene nîrûravurutana, rumîte mîthiia ya nthî!”

Jeremia 30:23

Taroria rûkûngi rûnene rwa Ngai-Mûnene! Marakara nîmanyûrûrûkîte, rûkûngi rûnene nîrûravurutana, nîrûgwa ciongorî cia andû arîa aganu.

Jeremia 30:24

Ngai-Mûnene ndagaacokithia marakara make, nginya rîrîa akavingia ûrîa avangîte gwîka. Vuvarî nîmûgaataûkîrwa nî maûndû mau.

Jeremia 4:11

Vîndî îo andû a Jerusalemu nîmakerwa atîrî, “Rûkûngi rûrî na ûrugarî mûnene nîrûravurutana kuuma werûrî rûkîte kûrî andû akwa. Tî rûkûngi rwa kûgûrûkia macaki kana kûtheria.

Jeremia 51:1

Ngai-Mûnene arauga atîrî, “Nîngûretera vûrûri wa Babuloni na andû a kuo, rûkûngi rûnene rwa kûmacûkangia.

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 13:13

Kwoguo Ngai-Mûnene augîte atîrî, “Nîngaarekereria rûkûngi rûnene na mbura ya mbembe nîrî na marakara icûkangie rûthingo rûu.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Zakaria 7:14

Nînaamanyaganirie na njîra ta ya rûkûngi rûnene mavûrûrirî mataicî na magîtûûra kuo marî ageni. Vûrûri ûrîa maatigire watuîkire werû, na gûtirî mûndû wathiîcaga kana akauma kuo. Vûrûri ûcio mwaro gûtirî mûndû watûûrire kuo.”

Zakaria 9:14

Ngai-Mûnene nîakeyonithania arî îgûrû rîa andû ake, mîguî yake îthiîcaga ta rûveni; Mwathani Ngai nîakaavuva karumbeta, na athiî arî rûkûngirî rwa mwena wa îveti.