Jeremia 23:15 - ÎVUKU RÎA ÛVORO MWARO

¹⁵ Kwoguo, ûvoro wîgiî arîthi acio Ngai-Mûnene arauga atîrî: “Nîngûmava kîndû kîrûrû ta nyongo, na nîmakundie manjî marî na ûrogi manyue. Nîûndû kuuma kûrî arathi a Jerusalemu, kûregana na Ngai gûtambîte vûrûrirî wonthe.”

Jeremia 23:15 ပူးပေါင်းရင်းမြစ်များ

Thaburi 69:21

Nîmaamveee irio irî na ûrogi, na rîrîa naarî mûnyondu nîmaangundirie ndivei îno ngagatu.

Jeremia 14:15

Kwoguo, nie Ngai-Mûnene nîngûmwîra ûrîa ngwîka arathi aya. Nie ndiamatûma, nwatî methîrîtwe makîaria maûndû mambîgiî, makiugaga atî mbaara, na yûra itingîtharîkîra vûrûri ûyû: nîngaathiria arathi aya na njîra ya mbaara na yûra.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Jeremia 9:14

Nwatî nîmaûmîtie ciongo na makarûmîrîra wendi wa ngoro ciao na makagooca mîvuanano ya Baali wata ûrîa maathomithirue nî methe mao.

Jeremia 9:15

Kwoguo Ngai-Mûnene mwene vinya wonthe, Ngai wa Isiraeli arauga atî: Nîngaava andû aya mîtî mîrûrû marîe na nîmave manjî marî na ûrogi manyue.

Maca 3:15

Atûmîte ngîa na mathîna meengî, na ngîa na ûrûrû mwîngî.

Maca 3:19

Ngai-Mûnene, ririkana mathîna na ûrûrû wakwa, ûcûkîte ta ûrûrû wa ûrogi.

Maca 3:5

Ke anjîgîrîrîtie na mbarî cionthe, na ûrûrû na mînyamaaro.

Zakaria 13:2

Nîngaatharia marîîtwa monthe ma ngai cia mîvuanano kuuma vûrûrirî, nîguo itigaacoke kûririkanwa rîngî. Nîngaathengutia arathi na nthirie maroho monthe macûku kuuma vûrûrirî.

Mathaayo 27:34

Na marî vau nîmaaveere Jesû ndivei îtukanîtue na kîndû kîrûrû, nwatî amîcama nîwaregire kûmînyua.

Gûco 29:18

Menyererani gûtikethîrwe na mûndûmûrûme, mûndûmûka, mûciî kana mûvîrîga gatagatîrî kenyu ûmûnthî ûngîtiganîria Ngai-Mûnene Ngai wetû na agatungatîre ngai cia mavûrûri mau. Ûndû ûcio ûngîthîrwa wîkariî ta mûri ûrîa ûtheûkaga mûtî mûrûrû na ûrî ûrogi.

Kûguû 8:11

(Rîîtwa rîa njata îo nî “Ûrûrû”.) Gîcunjî kîmwe Kîam ithatû Kîam manjî nîmaatuîkire marûrû. Nao andû eengî nîmaakwire manyua manjî mau maatuîkîte marûrû.