Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.
Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.
Ûyû nîguo mûtaratara wa arûme arîa maavikîtie aka ageni. Njiarwa cia athînjîri-Ngai maarî Maaseia, Eliezeri, Jaribu na Gedalia. Acio maarî avîcî a Joshua na aa mûrwang'ina, nao maarî avîcî a Jehozadaki.
Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.
Mbere ya mîvuanano îo kwarî na athuuri mîrongo mûgwanja a Isiraeli, na Jaazania mûvîcî wa Shafani arûngamîte vamwe nao. Wa mûndû agwete kathaani ga kûvîvîria ûbani, na ndogo ya ûbani nîyaumaga îkiunûkagia.
Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.
Arathi akuo nî andû matangîîvokwa na marî maveeni. Athînjîri-Ngai nîmavakîte vandû va kûgoocerwa gîko, na makagarûra watho wa Ngai nîguo wîgucane na ûrîa makwenda.