Jeremia 22:9 - ÎVUKU RÎA ÛVORO MWARO

⁹ Nao nîmagacokia atî, ‘Ekire ûguo nîûndû nîmaatiganîrie kîrîkanîro Kîam Ngai-Mûnene Ngai wao na mûkîambîrîria kûgooca Ngai ciîngî na gûitungatîra.’ ”

Jeremia 22:9 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

2Maû 34:25

Nîûndû nîmaareganire nanie na makîvîvîria ngai ciîngî ûbani. Nîmatûmîte ndakare nîûndû wa maûndû mau monthe mekîte. Kwoguo marakara makwa nîmagûkinya Jerusalemu na tîmathira.

Jeremia 11:10

Nîmacokererete mevia marîa meekagwa nî methe mao, arîa maregire kûmbathîkîra; na nîmagoocete ngai ciîngî. Andû a Isiraeli na Juda nîmaunîte kîrîkanîro kîrîa narûthire na methe mao.

Jeremia 11:3

Nîûkaamera Ngai-Mûnene, Ngai wa Isiraeli augîte atî kûgwatwa nî kîrumi nî mûndû ûrîa ûtavingagia maûndû marîa marî kîrîkanîrorî gîkî,

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 50:7

Arîa onthe macemanagia nao, nî mamatharîkagîra. Nthû ciao ciugaga atî, ‘Tûtirî na mavîtia. O nîkwa mevîrîtie Ngai-Mûnene, ûrîa arî ke ûtûûro wao na methe mao maatwîre mevokete.’

Jeremia 9:13

Ngai-Mûnene nîwacokirie atîrî, “Maûndû mama mekîkîte nîûndû andû akwa nîmatiganîrîtie watho ûrîa namaveere na makîrega kwathîkîra mûgambo wakwa kana meka ûrîa namathire.

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Ezek 14:23

Mîtugo yao na mîthiîre yao nîîkamûmenyithia atî mûthiro ûrîa naretithîrie îtûûra rîu warî na gîtûmi.” Nînie Ngai-Mûnene nauga ûguo.

Ezek 39:23

Nacio ndûrîrî nîikaamenya atî andû a Isiraeli maathiîre îthamîriorî nîûndû wa mavîtia marîa maambîkire. Nînaamatiganîrie na nîûndû nîmaamenire, ngîmarekereria kûrî nthû ciao na ikîmaûraga.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Gûco 29:24

Mavûrûri monthe ma nthî nîmakaaûria, ‘Nîndûî gîatûmire Ngai-Mûnene acûkangia vûrûri ûyû? Nîndûî gîatûmire agîe na marakara meengî ûguo?’