Jeremia 22:8 - ÎVUKU RÎA ÛVORO MWARO

⁸ “Andû a mavûrûri mengî nîmakavîtûkîrîra vakuvî na îtûûra rîîrî na wa mûndû nîakaaûria ûrîa mariganîtie nake atî, ‘Nîndûî gîtûmîte Ngai-Mûnene arûtha îtûûra rîîrî ûguo?’

Jeremia 22:8 ပူးပေါင်းရင်းမြစ်များ

Jeremia 16:10

“Rîrîa ûkeera andû acio maûndû mama monthe, nî magakûûria atîrî, ‘Nîndûî gîtûmîte Ngai-Mûnene atûtuîra gûtûverithia na ûndû mûcûku ûguo? Nî ûndû ûrîkû mûcûku twîkîte? Nî mevia marîkû twîvîtie Ngai-Mûnene, Ngai wetû?’

Jeremia 40:2

Mûnene wa arangîri nîwocire Jeremia na akîmwîra atîrî, “Ngai-Mûnene Ngai waku nîwaugire atî nîagaacûkangia vandû ava,

Jeremia 40:3

na rîu nîwavingia ûndû ûcio, na eka wata ûrîa augire. Maûndû mama mekîkîte kûrî mue nîûndû nîmwevîrie Ngai-Mûnene na mûkîrega kûmwathîkîra.

Maca 4:12

Athamaki a nthî matietîkia, kana atûûri onthe a nthî, atî nthû nîîngîatonyire ivingorî cia Jerusalemu.

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Ezek 14:23

Mîtugo yao na mîthiîre yao nîîkamûmenyithia atî mûthiro ûrîa naretithîrie îtûûra rîu warî na gîtûmi.” Nînie Ngai-Mûnene nauga ûguo.

Ezek 39:23

Nacio ndûrîrî nîikaamenya atî andû a Isiraeli maathiîre îthamîriorî nîûndû wa mavîtia marîa maambîkire. Nînaamatiganîrie na nîûndû nîmaamenire, ngîmarekereria kûrî nthû ciao na ikîmaûraga.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Danieli 9:7

We, Mwathani, wîthagîrwa ûrî mûthingu vîndî cionthe. Nwatî tue, tûtûûraga tûrî na gîconoko, wana andû onthe arîa matûûraga Judea na Jerusalemu, na andû onthe a Isiraeli arîa marî mavûrûrirî marîa marî vakuvî na marî kûraca, nîûndû matiarî evokeku kûrî we.