Jeremia 22:28 - ÎVUKU RÎA ÛVORO MWARO

²⁸ Nîkwa Konia anyararîtwe ta nyûngû nguû, îrîa gûtarî mûndû ûrî vata nayo? Nîndûî gîtûmîte ke na ciana ciake mavirwa îthamîriorî, vûrûrirî ûrîa mataicî?

Jeremia 22:28 ပူးပေါင်းရင်းမြစ်များ

2Sam 5:21

Afilisiti nîmaatorokire na magîtiga ngai ciao cia mîvuanano kuo. Nake Daudi na andû ake nîmoocire mîvuanano îo na makîthiî nayo.

2Maû 21:20

Jehoramu aatuîkire mûthamaki arî na ûkûrû wa mîaka mîrongo îthatû na îîrî (32). Aathanire arî Jerusalemu îvinda rîa mîaka înana (8). Rîrîa aakwire gûtirî mûndû weririre. Nîwathikirwe îtûûrarî rîa Daudi, nwatî ndaathikwa mbîrîrarî irîa ciathikagwa athamaki.

Thaburi 31:12

Andû onthe mariganîrîtwe nînie takwa nîrî mûkuû, mbîkariî ta nyûngû nguû.

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 22:27

Nîmûkeriragîria gûcoka vûrûrirî ûyû, nwatî mûtigaûcoka.”

Jeremia 22:30

Ngai-Mûnene arauga atîrî, “Andîka mûndû ûyû atî ndarî ciana, mûndû ûtakagacîra ûtûûrorî wake, nîûndû gûtirî mûndû wanarî ûmwe wa rûciaro rwake, ûgekarîra gîtî Kîam ûthamaki Kîam Daudi, na athane rîngî vûrûrirî wa Juda.”

Jeremia 24:1

Vuva wa Nebukadinezarû, mûthamaki wa Babuloni kûthamia Jekonia mûvîcî wa Jehoiakimu mûthamaki wa Juda, vamwe na atongoria a Juda, vamwe na mafundi na aturi kuuma Jerusalemu akîmavira Babuloni, Ngai-Mûnene nîwamonirie kîoneki. Kîoneki kîu Kîamrî Kîam ikavu igîrî cia ngûyû cigîtwe mbere ya hekarû ya Ngai-Mûnene.

Jeremia 27:20

irîa Nebukadinezarû mûthamaki wa Babuloni atakuuwa rîrîa ocire Jekonia mûvîcî wa Jehoiakimu mûthamaki wa Juda na andû arîa atîîkanu onthe a Juda na Jerusalemu kuuma Jerusalemu na akîmavira îthamîriorî.

Jeremia 37:1

Nebukadinezarû mûthamaki wa Babuloni nîwathuurire Zedekia mûvîcî wa Josia atuîke mûthamaki wa Juda vandûrî va Konia mûvîcî wa Jehoiakimu.

Jeremia 48:38

Îgûrû rîa nyomba cionthe cia Moabu na ivaarorî cia gûcemanîrua gwîcûrîte macakaya matheri. Nîûndû nîmbûragîte Moabu ta nyûngû îrîa gûtarî mûndû ûngîmîtûmîra. Ûguo nîguo nie Ngai-Mûnene nîrauga.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.

Hosea 8:8

Andû a Isiraeli nîamerie; rîu marî gatagatî ka mavûrûri mengî, ta kîndû gîtarî na vata;