Jeremia 22:16 - ÎVUKU RÎA ÛVORO MWARO

¹⁶ Nîwonanagia kîvooto kûrî ngîa na athîni, maûndû make nîmaagagîra. Gwîka ûguo nîkuo kûmenya Ngai-Mûnene.

Jeremia 22:16 ပူးပေါင်းရင်းမြစ်များ

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

Thaburi 109:31

nîûndû nîagitagîra andû arîa athîni, na akamavonokia kuuma kûrî arîa mamatucagîra kûragwa.

Thaburi 36:10

Thiî na mbere kwonia wendo ûtathiraga arîa magwicî, na gwîka andû arîa athingu maûndû maro.

Thaburi 9:10

Arîa maicî rîîtwa rîaku nîmakwîvokete, nîûndû we Ngai-Mûnene ndûtiganagîria arîa magûcaragia.

Nthi 31:9

Maragîrîrie na ûtwithanagie ciira na kîvooto, menyagîrîra ivooto cia arîa athîni na arîa marî na ûvatari.”

Isaia 1:17

na mwîrute gwîka maûndû maro. Rûmagîrîrani kîvooto, tigagani kûvinyanîrîria. Gitagîrani ciana cia ndigwa, na mwaragîrîrie aka a ndigwa.”

Jeremia 5:28

nîanoru na nîarûngarû. Ciîko ciao njûku nîikîrîte njano, matitucagîra ciana cia ndigwa na kîvooto, na mationanagia waragania kûrî andû arîa avinyîrîrie.”

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Jeremia 9:24

“Nwatî mûndû ûngîenda kwîgatha nîegathe na ûndû ûyû, atî nîambîcî na atî nie Ngai-Mûnene nîmbîkaga maûndû maro, ma kîvooto na maûndû ma ûthingu gûkû nthî. Maûndû mama nîmo mangenagia. Ûguo nîguo nie Ngai-Mûnene nîrauga.”

Jeremia 9:3

Makonjaga nîmî ciao ta ûta, magîte na vinya nîûndû tî evokeku. Vûrûri ûgîte na vinya nîûndû wa maveeni nwatî tî wîvokeku, na matimbicî nie Ngai-Mûnene.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Johana 16:3

Andû nîmakaamwîka maûndû mama nîûndû matiîcî Vava na matimbicî.

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

Johana 17:6

“Nîndûmîte ûmenyekane nî andû a gûkû nthî arîa wamvere. O maarî aku, nawe nîwamûvere o na makîathîkîra ciugo ciaku.

Johana 8:19

Nao Afarisai nîmaamûririe atîrî, “Aguo arî kû?” Nake Jesû nîwamacokerie atîrî, “Mue mûtimbîcî na mûtiîcî Vava. Angîthîrwa nîmûmbîcî nîmûngîramenya Vava.”

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.