Jeremia 22:10 - ÎVUKU RÎA ÛVORO MWARO

¹⁰ Andû a Juda mûtikarîrîre mûthamaki Josia kana mûmûcakaîre. Nwatî rîrani na vinya nîûndû wa mûvîcî Joahazu, nîûndû ndagaacoka rîngî kwona vûrûri ûrîa aaciarîrwe.

Jeremia 22:10 ပူးပေါင်းရင်းမြစ်များ

2Atha 22:20

kwoguo ndikaaverithia Jerusalemu wî mwoyo. Nîngaamba gweterera ûkue na thayû.” Andû acio nîmaacokerie mûthamaki Josia ndûmîrîri îo.

2Atha 23:29

Vîndî wa îo Josia aarî mûthamaki, Neko, mûthamaki wa Misiri nîwathiîre rûnjîrî rwa Farati gûtethereria mûthamaki wa Asîria. Mûthamaki Josia nîwathiîre kûrûa nake; nwatî mûthamaki Neko nîwamûragîre mbaararî kûu Megido.

2Maû 36:4

Neko, mûthamaki wa Misiri nîwatuire Eliakimu, mûrwang'ina na Jehoahazi mûthamaki wa Juda na Jerusalemu. Nîwacokire akîgarûra rîîtwa rîake agîcoka gwîtagwa Jehoiakimu. Nwatî Neko nîwocire Jehoahazi, mûrwang'ina na Eliakimu na akîmûvira Misiri.

Mûvunjia 4:2

Kwoguo nîneciririe atî andû arîa akuû marî mûnyaka gûkîra arîa marî mwoyo.

Isaia 57:1

Mûndû mûthingu nîakucaga na gûtirî mûndû ûmakaga; andû aro mangîkua, gûtirî mûndû ûmenyaga atî Ngai nîkwa amagitagîra matikanyitwe nî maûndû macûku.

Jeremia 16:7

Gûtirî mûndû ûkaarîcanîra kana anyunyanîra na mûndû wa wonthe ûkuîrîrîtwe, nîguo amûmîrîrie. Wana gûtirî mûndû wana ûrîkû ûkaaringwa nî ntha nîûndû wa mûndû ûrîa ûkuîrîrîtwe nî îthe kana ng'ina.

Jeremia 22:11

Ûvoro wîgiî Joahazu, mûvîcî wa Josia mûthamaki wa Juda ûrîa watuîkire mûthamaki vuva wa îthe Josia, na waumire gûkû akîthiî, Ngai-Mûnene arauga atîrî, “Ndagaacoka gûkû rîngî,

Jeremia 22:18

“Kwoguo ûvoro wîgiî Jehoiakimu mûvîcî wa Josia mûthamaki wa Juda, Ngai-Mûnene arauga atîrî: Gûtirî mûndû ûkaamûcakaîra akiugaga, ‘Ûûi mûrwaiya! Kana ûûi mwarwaiya! Gûtirî mûndû ûkamûrîrîra akiugaga, Ûûi mwathi wakwa! Ûûi mûthamaki wakwa!’

Jeremia 22:27

Nîmûkeriragîria gûcoka vûrûrirî ûyû, nwatî mûtigaûcoka.”

Jeremia 25:27

Ngai-Mûnene nîwacokire akîmbîra atîrî, “Îra andû atî nie, Ngai-Mûnene, mwene vinya wonthe, Ngai wa Isiraeli nîramera manyue marîwe na matavîke, magwe na maremwe nî gûkîra nîûndû wa mbaara îrîa ngûtûma îgîe gatagatîrî kao.

Jeremia 28:4

Wana nîngûcokia Jekonia mûvîcî wa Jehoiakimu gûkû, vamwe na andû onthe a Juda arîa maatavîtwe makîvirwa Babulonia. Nîngaunanga îcoki rîa mûthamaki wa Babulonia. Ûguo nîguo nie Ngai-Mûnene nauga.”

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Jeremia 44:14

Kwoguo gûtirî mûndû wanarî ûmwe wa arîa matigarîte Juda, na mathiîte gûtûûra Misiri, ûkavonoka kana atûûra mwoyo kana acoka vûrûrirî wa Juda kûrîa meriragîria gûcoka gûtûûra. Matigacoka kuo tiga andû amwe arîa matûûraga maûrûraga.”

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 24:16

“We mûndû, taroria, nîngûringa mûndû ûrîa wendete nîmûrute kuuma kûrî we. Kûnarî ûguo, ndûgacakaa kana ûrîre, kana wîtûrûre methori.

Luka 23:28

Nwatî Jesû nîwevûgûrire na kûrîa maarî na akîmeera atîrî, “Mue aka aya a Jerusalemu tigani kûndîrîra, îîrîrîreni mue ene na mûrîrîre ciana cienyu.