Jeremia 21:9 - ÎVUKU RÎA ÛVORO MWARO

⁹ Mûndû wa wonthe ûgatigwa îtûûrarî rîîrî nîakaaûragîrwa mbaararî nî yûra na mûrimû. Nwatî ûrîa ûkaumîra na enenganîre kûrî Akalidei arîa mamûrigicîrîtie, nîakaavonokia mwoyo wake.

Jeremia 21:9 ပူးပေါင်းရင်းမြစ်များ

Jeremia 14:12

Wana ethîrwa nîmarenyerekia, nie ndikegua mathaithana mao, na wana ethîrwa nîmarandutîra matega ma kûvîvua, na ma irio cia mûgûnda; ndikamamûkîra. Îthenya rîa ûguo, nîkwa ngamaûraga mathire na njîra ya mbaara, yûra na mîrimû.”

Jeremia 21:7

Nie Ngai-Mûnene nîrauga atî vuva wa ûguo, nîngaavecana Zedekia mûthamaki wa Juda, ndungata ciake, na andû a îtûûra rîîrî, arîa magatigarua nî mîrimû, mbaara na yûra kûrî mûthamaki Nebukadinezarû wa Babuloni na nthû cienyu irîa ciendaga kûmûraga. Nebukadinezarû akamaûraga na rûviû na gûtirî mûndû ûgaatigara kana arekererue wana kana eguîrwa ntha.”

Jeremia 24:10

Nîngatûma magîe na mbaara, yûra na manyitwe nî mîrimû mîcûku nginya rîrîa magacûkangua onthe mathire viû vûrûrirî ûrîa namaveere vamwe na methe mao.”

Jeremia 27:11

Nwatî andû a vûrûri wa wonthe ûrîa ûkathîkîra na ûtungatîre mûthamaki wa Babuloni, nîngareka mekare vûrûrirî wao na maûrîmage na matûûre kuo. Ûguo nîguo nie Ngai-Mûnene nauga.”

Jeremia 27:12

Nie Jeremia, nînerîte Zedekia mûthamaki wa Juda maûndû wata mau namwîrîte atîrî, “Athîkagîra mûthamaki wa Babuloni, ûmûtungatîre vamwe na andû ake na nîûgûtûûra mwoyo.

Jeremia 27:13

Nîndûî gîgûtûma we na andû aku mûkua nî mbaara, yûra na mîrimû? Maûndû mama nîmo Ngai-Mûnene aaugîte nîmagekîka kûrî vûrûri wa wonthe ûrîa ûtagatungatîra mûthamaki wa Babuloni.

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Jeremia 38:3

Ngai-Mûnene arauga atî nama îtûûra rîîrî rîa Jerusalemu nîrîkavecanwa kûrî athigari a mûthamaki wa Babuloni na marîtave.”

Jeremia 39:18

Nîûndû nama nîngaakûgitîra na ndûkaûragîrwa mbaararî; nwatî nîûkavonokia mwoyo waku nîûndû wîthîrîtwe ûrî mwîvokeku mbere yakwa. Ûguo nîguo nie Ngai-Mûnene nauga.”

Jeremia 45:5

Nîkwa ûracaria maûndû manene? Ndûkamacarie! Nîûndû nînîrarete mûthiro kûrî andû onthe a nthî. Nwatî nîngavonokia mwoyo waku kûrîa kuonthe ûkaathiîcaga. Ûguo nîguo nie, Ngai-Mûnene nîrauga.”

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.