Jeremia 21:4 - ÎVUKU RÎA ÛVORO MWARO

⁴ mathiî makeere Zedekia atî Ngai-Mûnene Ngai wa Isiraeli arauga atîrî, “Taroria, nîngwoca indo cionthe cia mbaara, irîa athigari aku maratûmîra kûrûa na mûthamaki wa Babuloni na Akalidei arîa marigicîrîtie îtûûra rîaku. Nîngaciûngania cionthe nîcige gatagatî ka îtûûra rîîrî.

Jeremia 21:4 ပူးပေါင်းရင်းမြစ်များ

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 13:4

Tathikîrîriani înegene rîrîa rîrî irîmarî îgûrû, nîta rîa andû eengî mûno! Tathikîrîriani înegene rîa mothamaki na mavûrûri magomanîte vamwe. Ngai-Mûnene mwene vinya wonthe nîaravarîrîria athigari ake a mbaara.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Jeremia 20:4

Nîûndû Ngai-Mûnene arauga atîrî, ‘Ta roria nîngatûma ûtuîke kiumo Kîam guoya kûrî we mwene na kûrî arata aku onthe. O nîmakaûragîrwa mbaararî nî nthû ciao ûkîonaga. Nîngavecana vûrûri wonthe wa Juda kûrî mûthamaki wa Babuloni. Nake nîakamoca amavire Babuloni marî mîgwate na nîakamaûraga.

Jeremia 21:3

Nake Jeremia nîwamerire

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Jeremia 32:5

Zedekia nîakaavirwa Babuloni na nîagaatûûra kûu nginya rîrîa ngatua ûrîa ngeeka nake. Wana arûa na andû a Babuloni, ndakavootana. Ûguo nîguo nie Ngai-Mûnene nauga.’ ”

Jeremia 33:5

Andû nîmaakageria kûrûa na Akalidei, nwatî matikavota nîûndû marima ma kwîthitha nî magecûra ciimba cia andû arîa ngaûraga nîrî na marakara na mang'ûrîka. Nîngamatiganîria nîûndû wa wîvia ûcio wonthe mekîte.

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 39:3

Rîrîa Jerusalemu yatavirwe, anene onthe a mûthamaki wa Babulonia nîmatonyire îtûûrarî na magîkara kîvingorî gîa gatagatî. Anene acio marî: Nerigali-sharezeri, Samugari-nebo, Sarisekimu, Nerigali-sharezeri marî vamwe na anene arîa engî onthe a mûthamaki.

Jeremia 52:18

Wana nîmaakuire nyûngû, iciko cia mûthetu, tûnyamû twa kûnyitîrîra ndambi cia taa, mbakûri cia gwîkîra ûbani na indo cionthe cia gîcango irîa ciatûmagîrwa hekarûrî.

Maca 2:3

Nîûndû wa marakara nîanyaganîtie vinya wonthe wa Isiraeli, nîwaregire gûtûtethia rîrîa twathithûkîîrwe nî nthû, akanîte kûrî andû a Juda ta mwaki mûnene mûno.

Maca 2:5

Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.

Maca 2:7

Ngai-Mûnene nîanyararîte metha yake ya kîgongoona, na akaregana na hekarû yake. Nîarekereretie nthingo cia nyomba cia athamaki ciomomorwe nî nthû, na nîmaanegenete mûno marî hekarûrî ya Ngai-Mûnene, ta înegene rîrîa rîthagîrwa marugarî.

Ezek 39:3

Nîngaacoka munange ûta waku ûrî njararî yaku ya ûmotho, na ndûme mîguî îgwe nthî kuuma njararî yaku ya ûrîo.

Hosea 9:12

Wana marera ciana, ngaaciûraga cionthe viû. Kûgwatwa nî kîrumi nî o, rîrîa nie ngamatiganîria!”

Zakaria 14:2

Ngai-Mûnene nîagaacokanîrîria ndûrîrî vamwe itharîkîre Jerusalemu. Îtûûra rîa Jerusalemu nîrîgaatavwa, na indo itavwe. Aka manyitwe mamenyanwe nao kîîmwîrî na vinya. Nuthu ya andû a Jerusalemu mavirwe îthamîriorî, nwatî nuthu îo îngî ndîkaauma îtûûrarî rîa Jerusalemu.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.