Jeremia 20:8 - ÎVUKU RÎA ÛVORO MWARO

⁸ Nîûndû rîrîa ngwaria ûndû nîkwa ndetaga, na ngaugîrîria atî: “Mbaara na gûcûkangia!” Nîûndû kiugo Kîam Ngai-Mûnene kûrî nie gîtuîkîte gîa kûmenereria na kûnyararithia mûthenya wonthe.

Jeremia 20:8 ပူးပေါင်းရင်းမြစ်များ

2Atha 2:23

Elisha nîwaumire Jeriko na akîthiî Betheli. Arî njîrarî, tûvîcî tûnini nîtwaumire na kûu îtûûrarî rînene tûkîmûthekerera tûkiugagîrîria atîrî, “Uma gûkû, kîvara gîkî! Uma gûkû, kîvara gîkî!”

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Isaia 57:4

Nû mûranyarara? Nû mûrathekerera? Anga mue mûtirî ciana cia evia, rûciaro rûrîa rûveenanagia?

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Jeremia 15:15

We Ngai-Mûnene nî ûmbicî ndirikana na ûnjerere, ndirikana na ûke ûndethie, ûndîvîrîrie kuumana na arîa manyariraga, nîûndû wa ûrîa ûkiragîrîria ndûgatûme mbûragwe, ririkana atî nie numagwa nî ûndû waku.

Jeremia 17:27

Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 28:8

Arathi arîa maarî kuo mbere yaku na mbere yakwa mavinda ma tene, nîmaarathire atî mbaara, yûra na mîrimû nîgaûka kûrî mavûrûri meengî na mothamaki marî vinya.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 6:10

Nîngîaria na û nîguo nîmakaanie mambîgue? Taroria nîmavingîte matû mao nîguo matikegue, kiugo Kîam Ngai-Mûnene kûrî o nî kîndû gîa kûnyararwa, matikenagua nî kîo.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Habakuku 1:3

Ûratûma mone maûndû mama macûku na thîna nîkî? Gûcûkangua na mbaara irî mbere yakwa; ngucanio na mbaara nîciambîrîrîtie.

Luka 11:45

Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Ahib 11:26

Ke nîwamenyire atî kûmenererua nîûndû wa Mesaya kwarî na vata mûno gûkîra mîthithû yonthe ya Misiri nîûndû eekaraga akîriragîria kîveo kîrîa gîkaavecanwa.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.