Jeremia 20:5 - ÎVUKU RÎA ÛVORO MWARO

⁵ Îgûrû rîa ûguo, ûtonga wonthe wa îtûûra, umithio warîo, indo cionthe ciarîo cia goro, vamwe na igîîna cia mûthamaki wa Juda, nîngairekereria itavwe nî nthû ciao na vinya, maivire vûrûrirî wa Babuloni.

Jeremia 20:5 ပူးပေါင်းရင်းမြစ်များ

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

Isaia 39:6

Taroria, mîthenya nîyûkîte, rîrîa indo cionthe irîa irî gwaku nyomba, vamwe na irîa methe maku maigîte nginya ûmûnthî ikaavirwa Babuloni. Gûtirî kîndû gîgaatigwa; ûguo nîguo Ngai-Mûnene augîte.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 15:13

Ngai-Mûnene arauga atîrî, “Nîngatûma ûtonga wenyu na mîthithû yenyu îtavwe, nîûndû ûcio nîguo mûcara wa mevia menyu marîa mwîkîte vûrûrirî wonthe.

Jeremia 17:3

na îgûrû rîa irîma irîa irî kûndû kwaraganu. Nîngarekereria ûtonga wenyu na mîthithû yenyu îtavwe rîrî îrîvi rîa mevia marîa mwîkîte vûrûrirî wonthe wenyu.

Jeremia 3:24

Nwatî kuuma tûrî andû ethî, ûndû ûyû wa gîconoko nîûcûkangîtie indo cionthe irîa methe metû maacaririe na nthithina: ng'ondu, ng'ombe anake ao na erîtu ao.

Jeremia 32:24

“Taroria, Akalidei nîmenjîte mûtaro ûrigicîrîtie îtûûra rîonthe nîguo marîtharîkîre na marîîgwatîre. Nayo mbaara, yûra na mîrimû nîigûtûma îtûûra rîîrî rînyitwe nî Akalidei arîa mararîtharîkîra. Nama maûndû marîa waririe nîmaravinga rîu ûkîonaga.

Jeremia 39:2

Mûthenya wa mûgwanja wa mweri, mwaka wa îkûmi na ûmwe wa ûthamaki wa Zedekia rûthingo rwa îtûûra nîrwatûrirwe mwanya.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 4:20

Mûthiro ûrarûmîrîra mûthiro wîngî, vûrûri wonthe nîmûcûkangie viû. Magema metû nîmacûkangua wa rîmwe; mbathia cietû igatarûrangwa wa rîmwe.

Maca 1:10

Nthû ciake nîciocire indo ciake cionthe cia goro, nîwonire andû a ndûrîrî magîtonya hekarûrî, kûrîa Ngai-Mûnene aamagirîtie gûtonya.

Maca 1:7

Vîndî îno Jerusalemu îrî nyomomoku nîîraririkana riiri ûrîa yarî naguo. Rîrîa rîagûîre njararî cia nthû ciarîo, nthû ciarîo nîciakenagîrîra kûgwa kwa rîo.

Maca 4:12

Athamaki a nthî matietîkia, kana atûûri onthe a nthî, atî nthû nîîngîatonyire ivingorî cia Jerusalemu.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Danieli 1:2

Nake Mwathani nîwarekererie Jehoiakimu anyitwe nî Nebukadinezarû. Nebukadinezarû nîwocire indo imwe irîa ciarî hekarûrî ya Ngai. Mûthamaki Nebukadinezarû nîwacokire Babuloni vamwe na mîgwate na nîwaigire indo icio hekarûrî ya ngai ciake.

Hosea 13:15

“Wana ethîrwa Efiraimu nîakûthiî na mbere kûvua arî gatagatîrî ka aa mûrwang'ina, nie Ngai-Mûnene nîngatûma rûkûngi kuuma mwena wa îrathîro rûvurutane; rûkûngi rûu rûkauma werûrî, nacio ithima ciakuo nîikaathira manjî, na kûrîa kûtherûkaga manjî kûvwe. Kûrîa kuonthe aigîte mîthithû yake ya goro nîgûkaanyitwa.