Jeremia 20:18 - ÎVUKU RÎA ÛVORO MWARO

¹⁸ Nîndûî gîatûmire njiarwe? Naciarirwe nîguo monage mathîna na kîeva, na njonorithague ûtûûrorî wakwa wonthe?

Jeremia 20:18 ပူးပေါင်းရင်းမြစ်များ

1Atha 19:4

na akîthiî werûrî rûgendo rwa mûthenya mûgima. Nîwakinyire vandû vaarî na mûtî na agîkara nthî kîrururî Kîamguo, nîwerirîrie gûkua na akîvoya atîrî, “Rîu Ngai-Mûnene maûndû mau monete nîmeganu, wana nî kava nguîte ta methe makwa ma tene!”

Ayubu 14:1

“Mûndû ûrîa ûciarîtwe nî mûndûmûka, atûûraga mîthenya mînini, na îcûrîtwe nî mathîna.

Ayubu 14:13

“Wana nîkava ûngîanthithire kwa arîa akuû, nîkava ûngîanthithire nginya marakara maku mathire, ûnthithe nginya marakara maku mathire, narîo îvinda rîrîa ûtuîte rîathira ûndirikane.

Ayubu 3:20

“Ngai atûmaga andû arîa marî na mathîna matûûra nîkî? Etîkagîra arîa marî na ûrûrû wa ngoro matûûra nîkî?

Ayubu 5:7

Nwatî kuuma mûndû aaciarwa nîonaga mathîna, mathandûkaga ta nthande cia mwaki.

Thaburi 102:3

Ûtûûro wakwa ûrathira ta ndogo, mwîrî wakwa ûrakana ta mwaki.

Thaburi 69:19

We nîwicî ûrîa nîrarumwa, ûrîa nîraconorithua na ngaimwa gîtîîo; na nîwicî nthû ciakwa cionthe.

Isaia 1:6

Kuuma kîongo nginya gîtende gîa kûgûrû gûtirî vandû vatarî na thîna, ûtivangîtue kûndû kuonthe na wî na ironda iraura nthakame. Ironda ciaku tî nthambie kana ciovwa wana kana ciîtîrîrua maguta.

Isaia 51:7

“Nthikîrîriani mue mwîcî maûndû ma ûthingu, mue andû arîa mûnyitîte watho wakwa na ngoro cienyu. Mûtigetigîre rîrîa mûgûcambua nî andû, kana mûmaka rîrîa makûmûruma.

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Jeremia 15:18

Nîndûî kîgiragia ruo rwakwa rûthira? Nîndûî kîgiragia ironda ciakwa ithondekeka? Nîndûî kîgiragia ivone? Kana nîkwa ûrenda kûmveenia ta karunjî karîa kavûcaga vîndî ya riûa?

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 8:18

Nîrî na kîeva gîtangîthira, nîrî mûrwaru ngoro.

Maca 1:12

“Taroriani mue muonthe mûravîtûka. Kûrî ûrî na kîeva ta gîakwa, kîeva kîrîa Ngai-Mûnene andeterete rîrîa aarakarîte mûno.

Maca 3:1

Nie nîmûnyamarîku mûno, Ngai nîamverithîtie arî na marakara.

Habakuku 1:3

Ûratûma mone maûndû mama macûku na thîna nîkî? Gûcûkangua na mbaara irî mbere yakwa; ngucanio na mbaara nîciambîrîrîtie.

Johana 16:20

Nie nîramwîra na ma atî: nîmûkaarîra mûrî na kîeva kîîngî mûno ngororî cienyu, nwatî andû a gûkû nthî nîmagaakena. Nîmûkaagîa na kîeva, nwatî kîeva kîenyu nîgîgaacoka gîtuîke gîkeno.

Ciîko 5:41

Atûmwa nîmaaumire kûu Kîammarî macanjamûkîte nîûndû Ngai nîwonete marî agîrîru a kûverithua na njîra îrî na nthoni nîûndû wa Jesû.

2Tim 1:12

na ûndû ûyû nîguo ûtûmaga nthînue. Nwatî ndingîconoka, nîûndû nîmbicî Ngai ûrîa mbîtîkîtie na nîrî nama atî ke arî na ûvoti wa kûngitîra vamwe na kîrîa amvete nginya mûthenya wa mûthiia.

Ahib 10:36

Mue nîmwagîrîrwe nî gûkirîrîria nîguo mûvotage gwîka wendi wa Ngai, na nîmûkaavewa kîrîa eeranîre.

Ahib 11:36

Amwe nîmaanyûrûragua na makarivwa na ivoko, na engî nîmoovirwe na mînyororo na makîvirwa njeera.

Ahib 12:2

Nîtûvinyûre tûroretie Jesû ûrîa arî ke Kîammbîrîria na kîrîkîro Kîam wîtîkio wetû. Nîûndû wa gîkeno kîrîa Kîamrî mbere yake, nîwaûmîrîrie gûkua mûtharavarî. Wana ethîrwa gûkua mûtharavarî warî ûndû wa gîconoko, ndoona ûcio ta ûndû. Rîu ekarîte mwena wa ûrîo wa gîtî Kîam ûnene Kîam Ngai.

Ahib 13:13

Kwoguo nîtûthiîni kûrî ke vau nja ya îtûûra tûconorithue na njîra wata îrîa aaconorithirue nayo.