Jeremia 20:10 - ÎVUKU RÎA ÛVORO MWARO

¹⁰ Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 20:10 ပူးပေါင်းရင်းမြစ်များ

1Atha 19:2

Nake Jezebeli nîwatûmire mûnjaama kûrî Elija akamwîre atîrî, “ngai irombûraga ethîrwa rûyû îthaa ta rîîrî ndikaagwîka wata ûrîa wekire arathi.”

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Ayubu 19:19

Arata akwa arîa anene nîamenu, na arîa nendete mûno nîmandiganîrîtie.

Thaburi 31:13

Nînîregua nthû nyîngî ikîvevanîrîra, thîna ûrî na mîena yonthe, maravanga ûrîa makûntharîkîra, maravanga ûrîa makûmbûraga.

Thaburi 31:14

Nwatî we Ngai-Mûnene, nîwe nîîvokete, we wî Ngai wakwa.

Thaburi 41:10

Ngai-Mûnene, mbîguîra ntha na ûmvonie, nîguo ngerîvîria kûrî nthû ciakwa.

Thaburi 41:9

Wana mûrata wakwa ûrîa mûnene na ûrîa nevokete mûno, ûrîa twarîcanagîra irio nake, nîangarûrûkîte.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Nthi 10:18

Mûndû ûrîa ûthithaga ûthû ngororî nî mûthaani. Mûndû ûrîa ûgutanaga nî kîrimû.

Isaia 29:21

Ngai nîagaacûkangia arîa marutaga ûira wa maveeni nîguo mûndû atuwe mwîvia, arîa mavîtithagia atucanîri ciira magootirî, na arîa maragia maveeni, nîguo maime arîa matarî na mavîtia kîvooto Kîamo.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 11:21

Kwoguo, ûvoro wîgiî andû a Anathothi arîa marenda kûmbûraga Ngai-Mûnene arauga atîrî, “Ndûkarathe ûvoro ûkîgwetaga rîîtwa rîa Ngai-Mûnene, na weka guo nîtûgûkûraga.”

Jeremia 18:18

Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 20:3

Mûthenya ûcio wîngî kîraûko, Pashuri ovora Jeremia mvîngû, Jeremia nîwamwîrire atîrî, “Ngai-Mûnene ndagûcoka gûgwîta Pashuri, nwatî agawîtaga, ‘Guoya kûndû kuonthe.’

Jeremia 37:13

Na rîrîa akinyire mwîrîgarî wa Benjamini mûrangîri ûmwe wetagwa Irija mûvîcî wa Shelemia, Shelemia mûvîcî wa Hanania, nîwanyitire mûrathi Jeremia na makîmwîra atîrî, “We ûrenda kûûra ûthiî gwa Akalidei!”

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Ezek 22:9

Kûrî na andû marî ndarî yaku maragia maûndû ma maveeni megiî andû arîa engî nîguo maûragwe, na andû engî marîcaga irio irîa irutîrîtwe mîvuanano irîmarî; mekaga maûndû ma ungumania wa ûkîonaga.

Danieli 6:4

Nao arûngamîrîri acio engî na anene a thirikari nîmambîrîrie gûcaria ûndû mangîcuka Danieli naguo wîgiî wîra wake wa kûrûngamîrîra vûrûri. Nwatî mationa ûndû mangîmûcuka naguo, kana îvîtia wana rîmwe nîûndû Danieli aarî mûndû mwîvokeku na gûtirî îvîtia kana ûndû mûcûku ekîte.

Luka 20:20

Kwoguo nîmaacaririe kamweke na makîvaka andû amwe nîguo metue athingu na makîmatûma magatuîrie ûrîa Jesû aaugaga na njîra ya ciûria nîguo mavote kûmûnenganîra kûrî mûnene ûrîa wamaathaga.

Ciîko 24:13

O wana matingîvota gûkwonia atî maûndû mau rîu maranthitanga nîûndû wamo nî ma ma.

Ciîko 5:33

Rîrîa akîama acio meegwire ûguo, nîmaarakarire mûno na makîenda kûûraga atûmwa.

Ciîko 7:54

Rîrîa athuuri a Kîama meegwire Stefano akîaria maûndû mau, nîmaarûmithanirie magego nî kûrakara.