Jeremia 2:9 - ÎVUKU RÎA ÛVORO MWARO

⁹ Kwoguo nie Ngai-Mûnene nîrî na ciira namue, na nîngacirithia njiarwa cienyu.

Jeremia 2:9 ပူးပေါင်းရင်းမြစ်များ

Thaburi 50:4

Nîareta îgûrû na nthî ituîke aira, cione agîtuîra andû ake ciira.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Isaia 3:13

Ngai-Mûnene nîevarîrîtie gûcirithania; nîekarîrîte gîtî atuîre andû ciira.

Isaia 43:26

“Ta ndirikania, tiga tûciire twî vamwe! Aria maûndû maku nîguo wonekane atî wî na ûma!

Jeremia 2:29

Mûrareta mateta menyu kûrî nie nîkî? Muonthe nîmûreganîte nanie, ûguo nîguo Ngai-Mûnene arauga.

Jeremia 2:35

we ugaga atî: “Nie ndirî na mevia, nama marakara ma Ngai-Mûnene marî varaca nanie.” Taroria nîngûkûverithia nîûndû wa kuga atî ndûrî mwîvia.

Hosea 12:3

Mbere ya Jakovu aciarwe nîwagianire na mûrwang'ina; na atuîka mûndû mûgima nîwagianire na Ngai.

Hosea 2:2

Tetiani nyûkwe mûtetieni, nîûndû rîu ke tî mûka wakwa, nanie tînie mûthuuriwe. Mwîreni aume atigane na ûtharia wake, mwîreni atigane na ûraa wake.

Hosea 4:1

Ta thikîrîriani kiugo Kîam Ngai-Mûnene mue andû a Isiraeli, nîûndû Ngai-Mûnene nîarathitanga atûûri a vûrûri ûyû. “Gûtirî na wîvokeku kana ntha vûrûrirî ûyû, gûtirî mûndû ûmenyete Ngai-Mûnene vûrûrirî ûyû.

Alawi 20:5

nie mwene nîngaaverithia mûndû ûcio vamwe na andû a mûciî wake wana andû onthe arîa matarî evokeku kûrî nie na magoocaga Moleku, ngai ya mûvuanano. Nîngaamûrania andû acio na andû akwa.

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.