Jeremia 2:5 - ÎVUKU RÎA ÛVORO MWARO

⁵ Ngai-Mûnene arauga atîrî, “Methe menyu mamonire na mavîtia marîkû, nîguo magarûrûke na mandiganîrie, na makîrûmîrîra mîvuanano îtarî na vata, magîtuîka andû matarî na vata?

Jeremia 2:5 ပူးပေါင်းရင်းမြစ်များ

2Atha 17:15

Nîmaaregire gûtîîa irîra ciake, nîmaaregire kûvingia kîrîkanîro kîrîa Ngai-Mûnene aarûthîte na methe mao ma tene, na matiegua maûndû marîa Ngai-Mûnene, Ngai wao aamakaanîtie. Nîmaagoocire mîvuanano îtarî vata na wanao o ene magîtuîka andû matarî vata rîngî. Nîmaarûmîrîre mîtugo ya mavûrûri marîa maamathiûrûkîrîtie. Ûguo nîguo maregire kwathîkîra maûndû marîa Ngai-Mûnene amaathîte matigeke.

Thaburi 115:8

Andû arîa mairûthaga mekariî ta cio, na arîa onthe maciîvokaga mekariî ta cio.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Isaia 46:12

“Tathikîrîriani mue andû aya aûmû ngoro, mue mûrî kûraca na ûvonokio.

Jeremia 10:8

Onthe nî irimû na nîaritu; kîrîra Kîam mîvuanano nî Kîam mana!

Jeremia 12:2

Nîwe wamavandire na makîgîa mîri, makûraga na makagîa na maciaro, maragia ûrîa ûrî mwaro, nwatî ngoro ciao ciîthagîrwa irî kûraca nawe.

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Jeremia 2:4

Thikîrîriani ndûmîrîri ya Ngai-Mûnene, mue njiarwa cia Jakovu na mîvîrîga yonthe ya Isiraeli.

Jeremia 8:19

Tathikîrîria kîrîro Kîam andû akwa kuuma mîena yonthe ya vûrûrirî, “Anga Ngai-Mûnene ndatûûraga Zayuni? Anga mûthamaki wa Zayuni ndarî kuo? Nîndûî kîratûma mandakarie makîgooca ngai cia mîvuanano, wana magooce ngai ciao ng'eni?

Ezek 11:15

“Mûndû, aa mûrwanyûkwe, andû enyu, andû arîa mûrî îthamîriorî nao na andû onthe a nyomba ya Isiraeli nîmararia ûvoro waku. Marauga atî, ‘Andû arîa marî îthamîriorî marî kûraca na Ngai-Mûnene. Aatûveere vûrûri ûyû ûtuîke wetû.’

Ezek 14:5

Ngeka ûguo nîguo nîîgwatîre ngoro cia andû a nyomba ya Isiraeli nîûndû onthe nîmaandiganîrie makîthiî kûgooca mîvuanano îo yao.

Jona 2:8

Arîa magoocaga mîvuanano îtarî kîene, nîmaatiganagîria wîvokeku wao kûrî we.

Mathaayo 15:8

Ngai augîte atîrî, ‘Andû aya mamvecaga gîtîîo na mîromo nwatî ngoro ciao irî kûraca nanie.

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Aroma 1:21

O nîmecî Ngai, nwatî matimûvecaga gîtîîo kîrîa kîmwagîrîrîte, kana magacokia Ngatho kûrî ke. Vandû va ûguo, meciria mao maatuîkire ma mana na ngoro ciao ciîcûrîtwe nî nduma.

Gûco 32:21

Nîmatûmîte mbîgue wîru nîûndû wa indo icio metaga ngai, nîmandakarîtie nîûndû wa ngai ciao cia mîvuanano. Kwoguo nîngaatûma megue wîru nî andû matarî kîene, nîngaatûmîra vûrûri wa irimû nîguo marakare.

1Sam 12:21

Tigani gûtungatîra Ngai cia maveeni. Ngai icio itîngîmûguna kana imûvonokie, nîûndû tî cia ma.