Jeremia 2:34 - ÎVUKU RÎA ÛVORO MWARO

³⁴ Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 2:34 ပူးပေါင်းရင်းမြစ်များ

2Atha 21:16

Makîria ya ûguo, Manase nîwaûragire andû eengî mûno mataarî na mavîtia nginya nthakame îgîcûra Jerusalemu kuonthe; gûtaranîria na ûrîa aatûmire andû a Juda magooce mîvuanano îrîa yatûmire mevie mbere ya Ngai-Mûnene.

2Atha 24:4

na makîria nîûndû wa andû onthe arîa aaûragîte matarî na mavîtia. Ngai-Mûnene ndangîoveere Manase nîûndû wa ûguo.

Ntha 22:1

“Mûndû angîîa ndegwa kana ng'ondu na amîûrage kana amîendie, nîakaarîva ndegwa ithano îthenya rîa ndegwa îo kana ng'ondu inya îthenya rîa ng'ondu îo.

Ntha 22:2

“Mwîi angînyitwa akîvunja nyomba yene ûtukû na aûragwe, mûndû ûcio wamûraga ndagaatuîrwa atî nîûraganîte.

Isaia 57:5

Mue mûgoocagîra ngai cia maveeni rungu rwa mîvuru yonthe. Mûthînjagîra ciana cienyu irî magongoona mîatûkarî ya mathiga.

Isaia 59:3

Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 2:33

Nama we nîwîcî gûcaria andû a kwendana nao, wana nginya aka arîa aganu nîûmathomithîtie mîthiîre yaku.

Jeremia 6:15

O nîmaaconokire rîrîa mekire maûndû marîa marî magigi? Narî matiaconoka wanarî vanini, na mationa ûndû ûngîtûma megua nthoni. Kwoguo makaagwa ta ûrîa arîa engî magûcaga, vîndî îrîa ngamaverithia, ûcio ûkethîrwa ûrî mûthiia wao. Ûguo nîguo nie Ngai-Mûnene nauga.”

Jeremia 7:31

Nîmatumîte metha cia magongoona ciîtagwa ‘Tofethi’ kûu Kîamndarî Kîam Hinomu, nîguo marutîre ciana ciao cia anake na erîtu kuo irî matega ma kûvîvua. Nie ndiamatha meke ûguo, na ûndû ta ûcio ndwanagîa meciriarî makwa.

Jeremia 7:6

Tigani kûvinyîrîria ageni, ciana cia ngoriai na aka a ndigwa, kana mûrage mûndû mûthingu gûkû vûrûrirî ûyû, wana mûtige gûtungatîra ngai ciîngî nîûndû kûu nîgwîcûkangagia.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Maca 1:9

Gîko gîake nîkîonekaga nguorî ciake, nwatî ndaamakaga. Kwoguo kûgwa gwake kwarî kûnene, gûtirî mûndû wa kûmûmîrîria. Ûi Ngai-Mûnene taroria mathîna makwa, nîûndû nthû yakwa nîîvootanîte.

Maca 4:14

Nao maathiîcaga njîrarî ta ndumumu, megwatirie mûgiro na nthakame, gûtirî mûndû ûngîavutirie nguo ciao.

Ezek 20:31

Rîrîa mûkûruta iveo cienyu na mûkaruta ciana cienyu irî magongoona ma kûvîvua, nîmwîgwatagia gîko mue ene na mîvuanano yenyu yonthe nginya ûmûnthî. Mue andû a Isiraeli, nwa mûrie ûndû kuuma kûrî Nie? Ngai-Mûnene augîte atî wata ûrîa ke atûûraga mwoyo, ndangîtîkîra mûmûrie ûndû.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Ezek 23:45

Nwatî andû arîa athingu nîmakaamatuîra ciira ûrîa aka arîa itharia na aûragani matucagîrwa, nîûndû nî itharia na nîaûragani.”

Ezek 24:7

Nîûndû kûu îtûûrarî kûrî na ûragani. Nthakame ndîetûrûrwa nthî naarî îkunîkîrwe nî mûthetu, yetûrûrirwe îthigarî.

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.