Jeremia 2:33 - ÎVUKU RÎA ÛVORO MWARO

³³ Nama we nîwîcî gûcaria andû a kwendana nao, wana nginya aka arîa aganu nîûmathomithîtie mîthiîre yaku.

Jeremia 2:33 ပူးပေါင်းရင်းမြစ်များ

2Maû 33:9

Manase nîwaveenererie andû a Juda na a Jerusalemu na nîmeekire maûndû macûku meengî gûkîra marîa meekîtwe nî mavûrûri marîa Ngai-Mûnene aacûkangîtie mbere ya andû a Isiraeli matonya kuo.

Jeremia 2:23

Nwa uuge atî, “Nie ndirî na mûgiro, na nie ndianagooca Baali? Taroria mîthiîre yaku kûu Kîandarî, ta menya ûrîa wekire kuo; we wîkariî ta mori ya ngamîîra, îvinyûraga ava na vaarîa îrî na mûruke.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 2:34

Nguo ciaku irî na nthakame ya athîni matarî na mevia, ndwanamethîrîria makîvunja nyomba yaku, nwatî kûnarî ûguo,

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Ezek 16:47

Kûnarî ûguo we ndwaneganîra ûrûmîrîra mîtugo yao kana wîka ta ûrîa o meekaga maûndû marî na magigi. Takwa ûndû ûcio ûtaarî mûnene, we nîwatuîkire mûcûku mûno na ûkîmakîra onthe mîthiîrerî yaku.”

Hosea 2:13

Nîngamûverithia nîûndû wa gûkûngûîra mîthenya ya irugo cia Baali, mîthenya îrîa aavîvîrie ngai icio ûbani, na akîîgemia na mbete ciake na mathaga, na akîthiî kûrî arata ake, na akînariganîrwa nînie, ûguo nîguo Ngai mûnene arauga.