Jeremia 2:26 - ÎVUKU RÎA ÛVORO MWARO

²⁶ Wata ûrîa mwîi aconokaga agwatwa, nwata guo andû a Isiraeli magaconoko; o ene, athamaki ao, anene ao, athînjîri-Ngai na arathi ao.

Jeremia 2:26 ပူးပေါင်းရင်းမြစ်များ

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Thaburi 97:7

Andû onthe arîa magoocaga mîvuanano nî maconorithagua, arîa metîîaga na ngai cia maveeni; ngai cionthe ciînamagîrîria nthî ikagooca Ngai-Mûnene.

Isaia 1:29

Nîmûkeguîra nthoni mîvuru îrîa mwakenagîra; na nîmûgaaconoka nîûndû wa mîgûnda îrîa mwethuurîre.

Isaia 44:11

Nama, arîa onthe magoocaga ngai icio nîmagaaconorithua, wana arîa marutaga wîra ûcio nwa andû tu. Tiga magomane vamwe onthe na meyumîrie, nîmagetigîra na maconoke.

Isaia 44:9

Andû onthe arîa marûthaga mîvuanano nî a mana, na maûndû marîa mamakenagia matirî kîguni. Arîa maigoocaga mationaga na matiîcî atî nîmagaaconorithua.

Jeremia 2:36

Wocaga ûvoro wa kûgarûrûka na ûvûthû nîkî ûkagarûrîra mîthiîre yaku? We nîûgûconorithua nî andû a Misiri, wata ûrîa waconorithirue nî andû a Sîria.

Jeremia 22:22

Atongoria enyu makagûrûkua nî rûkûngi, anyanya enyu nîmakavirwa îthamîriorî. Nîmûgaaconoka na mûrurûkwe, nîûndû wa waganu wenyu wonthe.

Jeremia 32:32

nîûndû wa maûndû monthe macûku marîa andû a Isiraeli na Juda mekîte vamwe na athamaki, atongoria, athînjîri-Ngai na arathi.

Jeremia 4:9

Ngai-Mûnene arauga atîrî, “Mûthenya ûcio athamaki na anene nîmakaathirwa nî vinya na athînjîri-Ngai nîmakaamaka nao arathi mavavûke.”

Jeremia 48:27

Moabu, taririkana ûrîa wathekerere andû a Isiraeli. Nîkwa wanyitanîrue na aîi, atî vîndî cionthe waria ûvoro wake ûkainainia kîongo?

Ezek 16:54

nîguo ûgaaconoka nî maûndû marîa we mwene wekire na ûcambe nîûndû nîwathiîre kûmaûmîrîria.

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Zakaria 5:4

Ngai-Mûnene mwene vinya wonthe augîte ke mwene nîke ûgaatûma kîrumi kîu kîthiî na gîtonye nyomba ya mûndû wa wonthe mwîi na gîtonye nyomba ya mûndû wa wonthe wîvîtaga na njîra ya maveeni akîgwetaga rîîtwa rîa Ngai-Mûnene. Nîgîgekara nyombarî yake na kîmîcûkangie, kîthirie mbaû wana mathiga.”

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.