Jeremia 2:24 - ÎVUKU RÎA ÛVORO MWARO

²⁴ Wîkariî ta nyûmbû ya werûrî, îrîa îkaraga îkînunganungagîra îrî na mûruke. Nî ûrîkû ûngîthiria ngumba yayo? Nyûmbû ya njamba îngîmîcaria ndîngîmîtura; kavinda ka yo gakinya nîo îyumagîria.

Jeremia 2:24 ပူးပေါင်းရင်းမြစ်များ

Ayubu 11:12

“Kethîrwa nyûmbû nwa îciare mûndû, wana mûndû mûritu nwa ataûkîrwe.

Ayubu 39:2

Nîwîcî ciîkaraga irî îvu îvinda rîgana atîa, na nîwîcî rîrîa igaciara?

Jeremia 14:6

Nyûmbû irûngamaga tûthûrûmûndûrî tûtarî na nyaki, ikîvevaga ta mbwe igîcaria rîera, metho ma cio matirona nîûndû wa gûtura irio.”

Jeremia 2:27

Acio nîo meraga mûtî atî: “We nîwe vava,” na makeera îthiga atî: “We nîwe wanjiarire,” nîûndû nîmandiganîrîtie. Nwatî mavinda ma thîna maugaga atîrî, “Ûkîra na ûtûvonokie!”

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Hosea 8:9

nîûndû nîmaathiîre kûvoya ûtethio kûrî Asîria. Efiraimu îkariî ta nyûmbû îkîûrûra yonga; Efiraimu nîmwîendiu kûrî arata ake.