Jeremia 2:21 - ÎVUKU RÎA ÛVORO MWARO

²¹ Nwatî nînakûvandire ta mûthavibu mûthuure mbegû mbaro kuuma mûthavibu ûrîa mwaro. Nî ndûî gîtûmîte ûgarûrûke ûtuîke ta kîndû gîcûku, kana ta mûthavibu wa kîthakarî?

Jeremia 2:21 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

Kîam 32:28

Nake mûndû ûcio nîwerire Jakovu atîrî, “We ndûgeetwa Jakovu rîngî nîûndû nîwagiana na Ngai na andû na wavootana, we ûgeetagwa Isiraeli.”

Thaburi 105:6

Mue njiarwa cia Iburahimu ndungata yake, mue njiarwa cia Jakovu, andû arîa athuurîte!

Thaburi 44:2

ûrîa wengatire andû a ndûrîrî na vinya waku, na ûkiga andû aku mavûrûrirî ma andû acio; ûrîa waverithirie andû a mavûrûri mengî, na ûgîtûma andû aku mekindîrie.

Thaburi 80:8

Waretire mûthavibu kuuma Misiri, ûkîvinyûria ndûrîrî irîa ciîngî, na ûkîûvanda vûrûrirî wao.

Thaburi 80:9

Nîwaûrîmîre nîguo ûkûre, nîwamerire na mîri yaguo nîyarikîre îgîtamba nthî yonthe.

Ntha 15:17

We nîûkaamarete na ûmavande kîrîmarî gîaku, vandû varîa we Ngai-Mûnene ûthuurîte vatuîke mûciî waku, hekarûrî îrîa we mwene ûtumîte.

Isaia 1:21

Na kaî îtûûra rîrîa rîarî rîvokeku nîrîtuîkîte ta mûmaraa-î! Vîndî îmwe nîrîecûrîte ûthingu na ûma, nwatî rîu rîcûrîte aûragani.

Isaia 27:2

Mûthenya ûcio Ngai-Mûnene nîakaaina rwîmbo rwîgiî mûgûnda wake mwaro wa mîthavibu atîrî:

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Isaia 5:4

Nî ûndû ûrîkû nîngîekire mûgûndarî wakwa, ûrîa nie naregire gwîka? Rîrîa netererete ûciare thavibu mbaro, nîndûî gîatûmire ûciare thavibu cia kîthaka?

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 11:16

Vîndî îmwe Ngai-Mûnene aamwîtire; mûtamaiyû mûruru, na ûrî na matunda maro. Nwatî rîu, na mûrurumo ta wa ngûa, nîakûûgwatia mwaki, nacio mvûa ciaguo ivîe cionthe.

Jeremia 11:17

Ngai-Mûnene mwene vinya wonthe, ûrîa wamûvandire arauga nîakûmûthiria na mûthiro nîûndû wa waganu ûrîa wîkîtwe nî andû a Isiraeli na a Juda. Nîmandakarîtie nîûndû wa kûrutîra Baali magongoona.

Jeremia 5:10

Unûkiani mûvîtûkîrîrîte mîtîrî yake ya mîthavibu na mûmîcûkangie, nwatî mûtikamîcûkangie viû. Thîgani mvûa ciayo, nîûndû tî cia Ngai-Mûnene.

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Ezek 15:2

“Mûndû, mûtî wa mûthavibu nî mwaro gûkîra mîtî îrîa îngî ya kîthakarî? Rûvûa rwaguo nî rwaro gûkîra mvûa cia mîtî îo îngî?

Mathaayo 21:33

Nake Jesû nîwamerire atîrî, “Tathikîrîriani ngerekano îngî. Vîndî îmwe kwarî na mûndû wavandire mîthavibu mûgûndarî wake. Nîwacokire akîwiriga, akînja îrima rîa kûvivîra thavibu na agîtuma nyomba ya arangîri. Nîwacokire agîûkomborithia arîmi na akîthiî vûrûri wîngî.

Maariko 12:1

Jesû nîwambîrîrie kûthomithia andû na ngerekano na akîmeera atîrî, “Vîndî îmwe kwarî na mûndû wavandire mîthavibu mûgûndarî wake. Nîwawirigîre, akînja îrima rîa kîndû gîa kûvivîra ndivei, na agîtuma nyomba ya arangîri. Nîwacokire agîûkomborithia arîmi na akîthiî vûrûrirî wîngî.

Luka 20:9

Jesû nîwacokire akîva andû ngerekano îno: “Vîndî îmwe kwarî na mûndû wavandire mîthavibu mûgûndarî wake agîûkomborithia kûrî arîmi, agîcoka akîthiî vûrûrirî wîngî na agîkara kuo îvinda îraca.

Johana 15:1

“Nie nînie Mûthavibu wa ma, nake Vava nîke mûrîmîri.

Gûco 32:32

Nthû ciao nî mbaganu ta andû a Sodomu na Gomora, ciîkariî ta mîthavibu îrîa îciaraga thavibu ndûrû na irî na ûrogi,

Gûco 4:37

Ngai-Mûnene nîwendete methe menyu; kwoguo nîwamûthuurire kuuma kûrî njiarwa ciao na akîmûruta Misiri na vinya wake mûnene.

Josh 24:31

Andû a Isiraeli nîmaatûûrire magîtungatagîra Ngai-Mûnene matukû monthe marîa Joshua aarî mwoyo na vîndî ya atongoria arîa maatûûranîtie nake na moonete maûndû monthe marîa Ngai-Mûnene eekîte nîûndû wa andû a Isiraeli.