Jeremia 2:19 - ÎVUKU RÎA ÛVORO MWARO

¹⁹ Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 2:19 ပူးပေါင်းရင်းမြစ်များ

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

2Maû 12:5

Mûrathi Shemaia nîwathiîre kûrî mûthamaki Rehoboamu na atongoria a Juda arîa maagomanîte Jerusalemu nîguo maûre kuuma kûrî Shishaki na akîmera atîrî, “Ngai-Mûnene augîte atî ‘Nîmûndiganîrîtie, kwoguo nanie nînîmûtiganîrîtie njararî cia Shishaki.’ ”

2Maû 21:10

Kuuma vîndî îo nginya ûmûnthî vûrûri wa Edomu ûtûûraga ûreganaga na wathani wa Juda. Kavindarî wa kau, andû a Libuna wa nao nîmaareganire na wathani wa Jehoramu mûthamaki wa Juda nîûndû Jehoramu nîwatiganîrîtie Ngai-Mûnene, Ngai wa methe make.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Thaburi 36:1

Wîvia nîwaragîria mûndû mwaganu ndaarî ya ngoro yake; nîareganaga na Ngai na ndamûtîîaga.

Ntha 33:6

Kwoguo andû a Isiraeli mauma kîrîmarî Kîam Horebu matiacoka gwîkîra mathaga rîngî.

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Nthi 1:32

Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.

Nthi 5:22

Mevia ma mûndû ûrîa mwaganu mamûnyitaga ta mûtego, na anyitagwa nîguo wa akîvagia.

Isaia 3:9

Ûthiû wao nîwonanagia ûrîa marî evia; managîrîra wîvia wao ta wa Sodomu na matiûthithaga. Kaî andû acio marî na thîna-î, nîûndû nîo ene meretererete mathîna.

Isaia 5:5

Rîu nîngûmwîra ûrîa ngwîka mûgûnda wakwa wa mîthavibu. Nîngûthengutia rûgiri rwaguo, na nîûgûcûkangua; nîngwomomora rwirigo rwaguo, na nyamû cia kîthaka nîigaaûkinyanga.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Jeremia 1:16

Nanie nîngaverithia matûûra monthe nîûndû wa waganu wao wa kûregana nanie. Nîmarutîrîte ngai cia mûvuanano magongoona na makagooca indo irîa marûthîte na njara ciao.

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 4:18

Ciîko cienyu na mîthiîre yenyu, nîyo îkûreterete maûndû mama; ûcio nîguo mûthiro na nî mûrûrû; ûtonyete nginya ngororî yaku ndaarî.”

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Jeremia 5:6

Kwoguo mûnyambû kuuma werûrî nîûkamaûraga; Kîamthi kuuma werûrî nîgîkamacûkangia. Ngarî nîîtegete îtharîkîre matûûra mao, mûndû wonthe ûkauma kûu matûûrarî agaatarûrangwa icunjî, nîûndû mevia mao nî meengî, na mekaraga magîtiganagîria Ngai.

Jeremia 7:19

Nama, nînie mararakaria? Naarî, nî o ene marerakaria na makeretera gîconoko.

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Ezek 23:30

Ngaagwîka maûndû mau monthe nîûndû nîwarûthire ûmaraa na andû a ndûrîrî, na nîûgwatîtue mûgiro nî mîvuanano yao.

Ezek 39:24

Naamekire kûringana na maûndû mao marîa marî mûgiro na mevia mao na ngîmatiganîria.”

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 13:9

Nîngûmûcûkangia mue andû a Isiraeli; nû ûngîmûtethia?

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Hosea 4:16

Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?

Hosea 5:5

Mwîtîîo wa andû a Isiraeli ûrî ûtherirî; andû a Efiraimu nîmavîngîcwa nî mevia mao, wanao andû a Juda nîmavîngîcwa vamwe nao.

Hosea 7:2

Nwatî o matimenyaga atî nîndirikanaga ciîko ciao cionthe njûku. Mathiûrûkîrîtue nî mevia mao atî vîndî cionthe nie monaga makîvia.

Hosea 9:1

Mue andû a Isiraeli mûtigakene! Mûtigakûngûîre ta mavûrûri marîa mengî, nîûndû mwîthîrîtwe mûkîvûra ûmaraa, mûgatiganîria Ngai wenyu. Mûkenagîrîra mbeca cia ûmaraa, mûrî matîrirî monthe ma ngano.

Amosi 8:10

Nîngaatûma irugo cienyu ituîke kîrîro, na nyîmbo cienyu cionthe ituîke cia macakaya. Nîngaatûma andû onthe mekîre nguo cia macakaya, na ndûme menje njuîrî cionthe ciongorî ciao, gûgekara ta andû magîcakaîra mwana wa kîmomwe, na mûthenya wa mûthiia ûkethîrwa ûrî na ûrûrû mwîngî.

Mika 1:5

Maûndû mama monthe magekîka nîûndû wa mavîtia ma Jakovu, na nîûndû wa mevia ma andû a Isiraeli. Mavîtia ma Jakovu marî kû? Marî îtûûrarî rîa Samaria! Mevia ma andû a Juda nî marîkû? Nî Jerusalemu!

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Aroma 3:18

Matiîtigagîra Ngai.”

Atir 10:13

Nwatî nîmwandiganîrie na mûgîtungatîra ngai ciîngî. Kwoguo ndikamûvonokia rîngî.