Jeremia 2:16 - ÎVUKU RÎA ÛVORO MWARO

¹⁶ Îgûrû rîa ûguo andû a Memufisi na Tahifanihesi, nîmaunangîte nthûmbî yake.

Jeremia 2:16 ပူးပေါင်းရင်းမြစ်များ

2Atha 18:21

Wîvokete mûthamaki wa Misiri, nwatî kûu nî ta gwîtiira na kamûthanje gaka kaunîku. Kamûthanje kaunîkaga na gakamunda njara ya mûndû ûrîa ûkanyitîte. Ûguo nîguo mûthamaki wa Misiri ekariî kûrî andû onthe arîa mamwîvokaga.

2Atha 23:33

Neko mûthamaki wa Misiri nîwamûvirire Ribula vûrûrirî wa Hamathi arî mûgwate, nîguo ndakathiî na mbere kwathana arî Jerusalemu. Mûthamaki Neko nîwatûmire vûrûri wa Juda ûrute gooti ya kilo ngiri ithatû na magana mana (3,400) cia sîlûva na kilo mîrongo îthatû na inya (34) cia thaavu.

Isaia 19:13

Atongoria a Zoani nî aritu, na atongoria a Memufisi nîaveenie; magîrîrwe nî gûtongoria andû, nwatî nîmavîtithîtie vûrûri wa Misiri.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Isaia 8:8

Mwîcûro wa rûnjî rûu ûkaanyagania vûrûrirî wa Juda, na manjî mengîve mûno mecûre vûrûri wonthe. Nwatî Ngai arî vamwe natue, mathagu make matambûrûkîte kûndû kuonthe nîguo makunîkîre vûrûri wake.”

Jeremia 44:1

Kiugo Kîam Ngai-Mûnene nîgîakinyire kûrî Jeremia kîgiî Ayahudi onthe arîa maatûûraga Misiri matûûrarî ma Migidoli, Tahifanihesi, Memufisi na gîcunjî Kîam Pathirosi.

Jeremia 46:14

“Anîrîra vûrûrirî wa Misiri, na ûmenyithanie kûu Migidoli, anîrîra kûu Memufisi na Tahipanesi. Meere atî: ‘Îkarani mwîvarîrîtie, nîûndû mbaara nîgaacûkangia kûndû kuonthe.’

Jeremia 46:19

Mue atûûri a Misiri, varîriani mîrigo yenyu nîguo mûthiî îthamîriorî! Nîûndû îtûûra rîa Memufisi nîrîgacûkangua viû, rîgaatuîka îganjo kûndû gûtatûûragwa nî andû.

Jeremia 48:45

“Andû arîa maûraga mathiîcaga Heshiboni gûcaria ûgitîri, îtûûra rîrîa vîndî îmwe rîathagwa nî mûthamaki Sihoni, nîûndû mwaki ûmîte Heshiboni, rûrîrîmbî rwa mwaki rumîte nyomba ya Sihoni, ûkavîvia mîvaka yonthe ya Moabu, na ûkavîvia irîma cia andû aya aremi.

Ezek 30:13

Ngai-Mûnene Ngai arauga atîrî, “Nîngaacûkangia mîvuanano na njûkangie ngai cia maveeni irîa igoocagwa îtûûrarî rîa Mefisi. Gûtikaagîa na mûthamaki rîngî kûu Misiri, na nîngaatûma andû a vûrûri ûcio mecûrwe nî guoya.

Ezek 30:16

Nîngaakia mwaki vûrûri wa Misiri. Nîgûkaagîa na ruuo rûnene Pelusiumu. Thebesi nîîkomomorwa na îtûûra rîa Mefisi rîtharîkîrwe nî nthû mûthenya.

Hosea 9:6

Rîrîa mûkaûrîra gûcûkangua kwa vûrûri wenyu, nîmûkaagwatwa ûgeni Misiri, nwatî mûkathikwa Memufisi. Igîîna cienyu cia sîlûva igecûra mavûngo, mîgua îgecûra magemarî menyu.

Gûco 33:20

Ûvoro wîgiî mûvîrîga wa Gadi nîwaugire atîrî, “Kûrathimwa nî ûrîa waveere Gadi vûrûri mwariî. Mûvîrîga wa Gadi wetagîrîra kûu ta mûnyambû, nîguo ûtamburure njara kana kîongo.