Jeremia 19:5 - ÎVUKU RÎA ÛVORO MWARO

⁵ Nîmaatumîre ngai ya Baali metha ya kîgongoona nîguo mavîvîrie ciana ciao irî îtega rîa kûvîvua kûrî Baali; ûndû ûrîa nie ndaamatha meke, wana kana nîwîciria.

Jeremia 19:5 ပူးပေါင်းရင်းမြစ်များ

2Atha 17:17

Nîmaarutire ciana ciao cia anake na cia erîtu kûrî ngai cia maveeni, irî matega ma kûvîvua. Nîmaathiîcaga kwa ago na arogi. Nîmeerutîrîte viû gwîka maûndû marîa mataakenagia Ngai-Mûnene, na ûguo nîguo maarakaririe Ngai-Mûnene.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

2Maû 28:3

Nîwarutire magongoona ma kûvîvua ma ûbani Kîamndarî Kîam Hinomu na akîruta anake ake kûrî ngai cia mîvuanano marî matega ma kûvîvua. Aarûmîrîre mîtugo mîcûku ya ndûrîrî irîa Ngai-Mûnene eengatîte kuuma vûrûrirî ûcio vîndî îrîa andû a Isiraeli maatonyaga kuo.

Jeremia 32:35

Nîmatumîte metha cia kîgongoona cia Baali Kîamndarî Kîam Hinomu, nîguo marutîre ngai ya Moleku anake ao na erîtu ao marî magongoona. Tînie namaathire meke ûguo, na ûndû ûcio ndûngîatonyire meciriarî makwa, atî nwa meke ûndû ta ûcio ûrî mûgiro wa gûtûma andû a Juda mevia.”

Ezek 16:36

Ngai-Mûnene arauga atîrî, “Nîwerutire nguo na ûgîtigwa ûrî njaga. Nîwenenganîre kûrî arîa maakwendaga na ûkîgooca mîvuano îo yaku, na ûkîruta ciana ciaku irî magongoona kûrî yo.

Ezek 20:26

Nînamagwatirie mûgiro na njîra ya matega mao na ngîtûma maruta marikithathi mao marî magongoona ma kûvîvua. Nînatûmire macûkangue nîguo mamenye atî nînie Ngai-Mûnene.

Ezek 38:10

Mwathani Ngai-Mûnene arera Gogu atîrî, “Rîrîa kavinda kau gagaakinya, nîûkaambîrîria gwîciiria maûndû macûku na kûvanga mîvango mîcûku ngororî yaku,

Danieli 2:29

“Mûthamaki, rîrîa wamamiî, nîwarotire ûvoro wa maûndû marîa magekîka vuvarî, nake Ngai ûrîa ûguûragia maûndû marîa marî nthithorî, nîwakwonirie maûndû marîa magekîka.

Alawi 18:21

Mûtikanenganîre ciana cienyu ciamûrîrwe ngai îrîa îtagwa Moleku, na mwaki, nîûndû kûu nî gûconorithia rîîtwa rîa Ngai-Mûnene, Ngai.

Ndari 22:41

Kîraûko Kîam mûthenya ûcio wîngî Balaki nîwocire Balaamu na akîmûvira nginya Bamothibaali. Marî kûu Balaamu nîwonaga andû amwe a Isiraeli.

Gûco 12:31

Mûtikagoocage Ngai-Mûnene Ngai wenyu ta ûrîa magoocaga ngai ciao, nîûndû mekaga ngai ciao maûndû monthe marîa Ngai-Mûnene athûrîte. Wana nîmarutagîra ngai ciao magongoona ma kûvîvua ma anake na erîtu ao.