Jeremia 18:21 - ÎVUKU RÎA ÛVORO MWARO

²¹ Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 18:21 ပူးပေါင်းရင်းမြစ်များ

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Thaburi 63:10

Makaaûragîrwa mbaararî, nayo mîîrî yao îkaarîwa nî ciathi.

Thaburi 63:11

Mûthamaki nîagaakena, nîûndû Ngai nîamûvecaga ûvootani. Arîa marûthaga ciîranîro rîîtwa rîa Ngai, nîmakaamûkumia, nwatî andû arîa maveenanagia nîmagaakirua.

Ntha 22:24

nanie nîngaarakara na nîmûragithîrie mbaararî. Nao aka enyu nîmagaatuîka a ndigwa nacio ciana cienyu itigwe itarî na methe.

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Isaia 9:17

Kwoguo Mwathani ndakenagua nî anake aya, ndarî na ntha na ciana ciao cia ndigwa na aka ao a ndigwa, nîûndû andû onthe matiîcî Ngai, na nîeki naaî na maragia maûndû ma waganu. Nîûndû wa maûndû mau monthe, marakara make tî mathiru, nwatî nwa atambarûkîtie njara yake nîguo îverithanie.

Jeremia 12:3

Nwatî we Ngai-Mûnene nîûmbicî, we nîûnduîrîtie na ûkoona ûrîa ngwîciragia. Maguucie ta ng'ondu îvirîtwe kîthînjîrorî, maige nginya mûthenya ûrîa makaûragwa.

Jeremia 14:16

Nao andû arîa marathîra maûndû mama nîmakaûragwa na njîra wata îo. Ciimba ciao nîigaatewa njîrarî cia Jerusalemu, na gûtirî mûndû ûkaithika, aka ao, avîcî ao na erîtu ao, nîngaamaverithia nîûndû wa waganu wao.

Jeremia 15:7

Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 15:8

Nîndûmîte aka ao a ndigwa mongerereke, na mengîve gûkîra mûthanga ûrîa ûrî îriarî. Aciari a andû ethî nînîmareterete, ûndû wa kûmacûkangia mûthenya. Nîndûmîte manyitwe nî ûrûrû na kîmako wa rîmwe.

Jeremia 50:30

Kwoguo anake a îtûûra rîu makaûragîrwa ivaarorî ciarîo na athigari onthe a rîo nîmagacûkangua mûthenya ûcio. Ûguo nîguo nie Ngai-Mûnene nauga.

Jeremia 9:21

Nîûndû gîkuû nîgîtonyererete ndiricarî cietû, nîgîtonyete nyombarî cietû irîa mbaro, nîkîûragîrîte ciana njîrarî cia îtûûra, na gîkathiria andû ethî thokorî.

Maca 1:15

“Mwathani nîaregete athigari onthe njamba arîa mangitagîra. Nîatûmîte athigari a mbaara, matharîkîre anake akwa. Mwathani aakinyangire andû a Juda, ta thavibu kîvivîrorî Kîam ndivei.

Maca 5:3

Methe metû nîmaakuire, tûrî ciana cia ngoriai, na anyanya nî aka a ndigwa.

Ezek 16:38

Nîngaagûtuîra ciira ta ûrîa aka arîa macûkagia moviki mao matucagîrwa na arîa maûraganîte. Nîngaagûtuîra ciira wa kûragwa nîrî na marakara na nîrî na wîru.

Ezek 22:25

Atongoria enyu mekariî ta mûnyambû ûkûrarama ûgîtambururanga nyamû îrîa ûragîte. Maûragaga andû na makamacuna indo ciao cia goro, na nîmatûmîte aka eengî matuîka a ndigwa.

Amosi 4:10

Nînamûretithîrie mûthiro ta ûrîa naretere andû a Misiri, nînaûragire anake enyu a mbaara na ngîoca mbarathi cienyu. Nînatûmire kûrîa mwambîte magema kûgîe na mûnungo wa ciimba, nwatî kûnarî ûguo mûtianjokerera.

Gûco 32:25

Nthû ciao nîikaamaûragîra vûrûrirî, na andû mecûrwe nî guoya mîciîrî yao. Anake na erîtu nîmakaaûragwa, ngenge na athuuri akûrû wanao nîmakaaûragwa.

2Tim 4:14

Alekisanda mûturi wa cuuma nîwambîkire maûndû meengî macûku. Mwathani nî akaamûrîva kûringana na ciîko ciake.

1Sam 15:33

Nake Samueli nîwerire Agagi atîrî, “Wata ûrîa rûviû rwaku rwa njûra rwanatûma aka eengî matigwe matarî na ciana, ûguo nwaguo rîu nyûkwe agûtigwa atarî na mwana.” Nake Samueli agîtinangia Agagi tûcunjî mbere ya metha ya kîgongoona kûu Giligali.