Jeremia 18:18 - ÎVUKU RÎA ÛVORO MWARO

¹⁸ Nao andû nîmaacokire makiuga atîrî, “Ûkani tûvange ûrîa tûkûraga Jeremia. Tûtigatura athînjîri-Ngai a gûtûthomithia kana andû aûgî a gûtûtaara na arathi a kwanîrîra ndûmîrîri ya Ngai-Mûnene. Ûkani tûmûthitange na ciugo ciake ke mwene na tûtikathikîrîrie ûrîa arauga.”

Jeremia 18:18 ပူးပေါင်းရင်းမြစ်များ

2Sam 15:31

Rîrîa Daudi aamenyithirue atî Ahithofeli nîanyitanîrîte na Abusalomu nîguo magomere mûthamaki, nîwavoire akiugaga atîrî, “Ngai-Mûnene nakûthaitha ûgarûre ûûgî wonthe wa ûtaarani wa Ahithofeli ûtuîke ûrimû!”

2Sam 17:14

Abusalomu na Aisiraeli onthe nîmaaugire atîrî, “Mataaro ma Hushai nî maro gûkîra ma Ahithofeli.” Ngai-Mûnene nîwatuîte atî, wana ethîrwa mataaro ma Ahithofeli nî maro tîmarûmîrîrwa nîguo Ngai-Mûnene atûme Abusalomu anyitwe nî maûndû macûku.

1Atha 22:24

Mûrathi Zedekia, mûvîcî wa Kenaana nîwacokire akîthiî kûrî Mikaia, akîmûcamûra rûvî ûthiû na akîmûria atîrî, “Roho wa Ngai-Mûnene anandiganîria na agîûka kwaria nawe?”

2Maû 24:21

Mûthamaki Joashi na andû ake nîmaavangire ûrîa makûûraga Zekaria na nîmaamûragîre kîvarorî gîa hekarû na mathiga.

Ayubu 5:13

Nîanyitaga andû arîa aûgî na wara wao, na nîarûngamagia mîvango ya arîa etîi wa rîmwe.

Thaburi 21:11

Wana mangîvanga gûgwîka maûndû macûku, mîvango yao ya ungumania ndîgaakinyanîra.

Thaburi 52:2

Ûvangaga vîndî cionthe gûcûkangia arîa engî; rûrîmî rwaku rwîkariî ta kawembe kaûgî. Wîciragia vîndî cionthe gwîka naaî.

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Thaburi 64:3

Manooraga nîmî ciao ta mviû, na maikagia ciugo ndûrû ta mîguî.

Nthi 18:21

Maûndû marîa mûndû aragia nwa matûme akue kana atûûre mwoyo; kwoguo andû arîa mendete kwaria nîmonaga maciaro ma mîario yao.

Isaia 32:7

Mîthiîre ya mûndû ûrîa mûthunu nî mîcûku; avangaga maûndû ma waganu nîguo acûkangie athîni na ciugo ciake cia maveeni, wana rîrîa athîni maretia kîrîa kîmagîrîrîte.

Jeremia 1:19

Nîmakaarûa nawe nwatî matigakûvoota, nîûndû ngethagîrwa nîrî vamwe nawe nîguo ngûvonokagie. Ûguo nîguo Ngai-Mûnene arauga.”

Jeremia 11:19

Nwatî nie nekariî ta ng'ondu mvoreri îvirîtwe kîthînjîrorî, ndiamenya atî marûthîte mîvango îo mîcûku îgûrû rîakwa, maaugaga atîrî, “Tigani tûcûkangie mûtî vamwe na maciaro ma guo, tigani tûmûrage nîguo ariganîre viû.”

Jeremia 18:11

Kwoguo rîu, îra andû a Juda na atûûri a Jerusalemu atî nie Ngai-Mûnene, nînîravanga maûndû macûku îgûrû rîao. Nînîravanga ûrîa ngûmaverithia. Garûrûkani muonthe, wa mûndû atigane na mîthiîre yake mîcûku, mûrûngarie mîthiîre yenyu na ciîko cienyu.

Jeremia 18:19

Nthikîrîria, we Ngai-Mûnene, na wîgue mathaithana makwa.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 20:10

Mbîgucaga andû engî makîaria na kîvwe, makiugaga atî: “Guoya ûrî kûndû kuonthe!” Engî marauga: “Nîtûmûthitange! Nîtûmûthitange!” Wana arata akwa onthe arîa mambicî waro metererete kwona ngîgwa. Marauga atî: “Nwa kûvoteke aveenue, tûcoke tûmûvoote na twîrîvîrîrie.”

Jeremia 26:11

Athînjîri-Ngai na arathi nîmaacokire makîra anene na andû onthe atîrî, “Mûndû ûyû avatiî gûtuîrwa kûûragwa, nîûndû nîarathîte maûndû macûku megiî îtûûra rîîrî. Muonthe nîmweîguîra na matû menyu.”

Jeremia 37:13

Na rîrîa akinyire mwîrîgarî wa Benjamini mûrangîri ûmwe wetagwa Irija mûvîcî wa Shelemia, Shelemia mûvîcî wa Hanania, nîwanyitire mûrathi Jeremia na makîmwîra atîrî, “We ûrenda kûûra ûthiî gwa Akalidei!”

Jeremia 43:2

Azaria mwana wa Hoshaia, Johanani mûvîcî wa Karea na andû onthe etîi, nîmerire Jeremia atîrî, “Ngai-Mûnene Ngai wetû, ndaagûtûma ûtûîre tûtikathiî Misiri tûgatûûre kuo.

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Maca 3:62

Mekaraga mûthenya mûgima makîaragia ndeto ciakwa, na makîmvangagîra mîvango îno mîcûku.

Ezek 7:26

Maûndû macûku magaaûka marûmanîrîrîte. Ndûmîrîri cia maûndû macûku igaaûkaga irûmanîrîrîte. Nîmagaacaragia kîoneki kuuma kûrî arathi. Athînjîri-Ngai nîmagaatura ûndû wa kûthomithania, nao athuuri matikethîrwa marî na kîrîra.

Alawi 10:11

Nwanginya mûthomithie andû a Isiraeli mawatho monthe marîa nîmwîrîte kûvîtûkîrîra kûrî Musa.”

Mika 3:6

“Mue arathi, nîgûgaatuka mûtige kwona cioneki, mûrumîrûe nî nduma mûtige kwona maûndû, mûtigacoka kûgîa na cioneki, kana kûratha ûndû wanarî ûmwe.”

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Luka 11:45

Nake mwarimû ûmwe wa watho nîwerire Jesû atîrî, “Mwarimû, vîndî îrîa ûkuga ûguo, wa natue nî ûratûruma!”

Johana 9:40

Nao Afarisai amwe arîa maarî vakuvî nake nîmegwire akiuga ûguo na makîmûria atîrî, “Nîkwa ûrenda kuga atî wa natue tûrî atumumu?”