Jeremia 18:12 - ÎVUKU RÎA ÛVORO MWARO

¹² Nwatî o maugaga atî, ‘Tûtingîka ûguo! Nîtûthiî na mbere na mîvango yetû, na wa mûndû nî athiî na mbere gwîka maûndû macûku kûringana na ûûmû na waganu wa ngoro yake.’ ”

Jeremia 18:12 ပူးပေါင်းရင်းမြစ်များ

Kîam 6:5

Ngai-Mûnene nîwonire atî waganu wa andû warî mwîngî mûno gûkû nthî, na atî meciragia maûndû macûku vîndî cionthe.

Kîam 8:21

Ngai-Mûnene nîwegwire mûcingû mwaro ûkiuma îgongoonarî rîu, na akiuga atîrî ngororî yake, “Nie ndikaaruma nthî rîngî nîûndû wa ciîko cia mûndû, nîûndû meciria ma mûndû methagîrwa marî macûku kuuma ûninirî wake. Ndigaacoka kûthiria ciûmbe cionthe irîa itûûraga mwoyo ta ûrîa mbîkîte.

2Atha 6:33

Wa Elisha akîaragîria athuuri acio, mûthamaki nîwakinyire na akiuga atîrî, “Ngai-Mûnene nîke ûtûmîte tûgîe na thîna îno! Mbetererete Ngai-Mûnene eke ûndû rîngî nîkî?”

Isaia 57:10

Mue nîmwenogirie na rûgendo rwa kûthiî kûndû kûraca, nwatî mûtiakua ngoro. Nîmwathiîre na mbere kûgîa na vinya, na kwoguo mûtiagirîka.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 11:8

Nwatî matiambathîkîra kana manthikîrîria, vandû va ûguo onthe nîmaathiîre na mbere kûmia ngoro na gwîka maûndû macûku. Nînamaathîte marûmîrîre kîrîkanîro gîakwa makîrega, kwoguo nînamaverithirie kûringana na maûndû marîa mandîkîtwe kîrîkanîrorî kîu.”

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 2:25

Isiraeli ndûkanogie magûrû maku, kana ûng'aria mîmero yaku. Nwatî ugaga atî: ‘Gûtirî na kîîrîgîrîro, nîûndû nînendire ngai ng'eni, icio nîcio ngagoocaga.’ ”

Jeremia 23:17

Vîndî cionthe meraga andû arîa mareganîte na kiugo Kîam Ngai-Mûnene atî, ‘Maûndû maku monthe nî maro tî macûka.’ Nake mûndû ûrîa wîthagîrwa arî na ngoro nyûmû maugaga atîrî, ‘Ndûkagîa na ûndû mûcûku.’

Jeremia 3:17

Vîndî îo îtûûra rîa Jerusalemu rîgetwa, ‘Gîtî Kîam ûthamaki Kîam Ngai-Mûnene,’ na mavûrûri monthe nîmakaagomana na mangooce. Matigatongorua rîngî nî maûndû macûku ma ngoro ciao.

Jeremia 44:17

Nwatî ûrîa wonthe twîvîtîte nîtûgwîka, nîguo tûgwîka. Nîtûkûvîvîria ngai yetû îrîa îtagwa mûthamaki wa mûndûmûka wa kûu îgûrû, na twîtûrûre ndivei nthî îrî îgongoona kûrî ke wata ûrîa twekaga methe metû, athamaki etû, na atongoria etû tûrî matûûrarî ma Juda na njîrarî cia Jerusalemu. Vîndî îo twarî na irio cia kwîgana, twarî athatûke, na tûtiarî na thîna.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Ezek 37:11

Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Luka 1:51

Nî ekîte maûndû manene na njara ciake, nîanyagarûkanîtie arîa etîi wa na mîvango yao.

Gûco 29:19

Na gûtikethîrwe kûrî na mûndû gatagatîrî kenyu ûregua kîrîkanîro gîkî mwevîta, nwatî eîre na ngoro atî wana angîrega gûkîvingia, ndangîona ûndû mûcûku. Mûndû ûcio agaatûma muonthe mûverithue, arîa aro wana arîa acûku.