Jeremia 17:7 - ÎVUKU RÎA ÛVORO MWARO

⁷ Kûrathimwa nî mûndû ûrîa wîvokete Ngai-Mûnene, ûrîa wigîte mwîvoko wake kûrî Ngai-Mûnene.

Jeremia 17:7 ပူးပေါင်းရင်းမြစ်များ

Thaburi 125:1

Arîa mevokete Ngai-Mûnene mekariî ta Kîrîma gîa Zayuni, kîrîa gîtanginainua, nwatî gîtûûraga tene na tene.

Thaburi 146:5

Gûkena nî mûndû ûrîa ûtethagua nî Ngai wa Jakovu, ûrîa mwîrîgîrîro wake ûrî kûrî Ngai-Mûnene Ngai wake,

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 20:8

Andû ta acio nîmakaavîngwa na magwe, nwatî tue nî tûgaûkîra na tûrûngame twîkindîrîtie.

Thaburi 34:8

Tuîriani mwone atî Ngai-Mûnene nî mwaro. Kûrathimwa nî andû arîa mathiîcaga kûrî ke nîguo amagitîre.

Thaburi 40:4

Kûrathimwa nî arîa mevokete Ngai-Mûnene, arîa matarûmagîrîra mîvuanano, kana magwatanîra na arîa magoocaga ngai cia maveeni.

Thaburi 71:5

Nîûndû we Ngai-Mûnene, nîwe kîîrîgîrîro gîakwa; kîîrîgîrîro gîakwa kuuma nîrî mûnini.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Nthi 16:20

Mûndû ûrîa ûrûmagîrîra ûrîa athomithîtue nîathatûkagwa, kûrathimwa nî mûndû ûrîa wîvokete Ngai-Mûnene.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 39:18

Nîûndû nama nîngaakûgitîra na ndûkaûragîrwa mbaararî; nwatî nîûkavonokia mwoyo waku nîûndû wîthîrîtwe ûrî mwîvokeku mbere yakwa. Ûguo nîguo nie Ngai-Mûnene nauga.”

Danieli 3:28

Nebukadinezarû nîwaugire atîrî, “Ngai wa Shadiraka Mîsheki na Abedinego arokumua! Ke nîatûme mûraika wake nîguo avonokie arûme aya arîa mamûtungatagîra nama mamwîvokete. Nîmaaregire kwathîkîra watho wakwa na makiuga atî, nîkava gûkua îthenya rîa kwînamîrîra nthî, nîguo mavoe ngai îngî tiga Ngai wao.

Zefania 3:12

Nie nîngaatiga andû enyivia na avoreri kûu, arîa magaaûka kûrî nie nîguo nîmatethie.

Aefeso 1:12

Tigani tue arîa twathuurirwe na twarî a mbere kwîrîgîrîra Kristû tûkumie riiri wa Ngai!