Jeremia 17:6 - ÎVUKU RÎA ÛVORO MWARO

⁶ Ekariî ta kamûtitû kanini werûrî, na ndakoona ûndû mwaro ûgîûka kûrî ke, agaatûûraga kûrîa gûtangîkûra kîndû werûrî, kûndû kûrî cumbî gûtatûûragwa nî andû.

Jeremia 17:6 ပူးပေါင်းရင်းမြစ်များ

2Atha 7:2

Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

Ayubu 20:17

Ndakoona rîngî nyûnjî cia maguta ma ndamaiyû, nyûnjî irîa inyûrûrûkaga îriia na ûûkî.

Ayubu 39:6

Nie naiveere werû ûtuîke mûciî wacio, ngîiva vûrûri wa cumbî itûûrage kuo.

Thaburi 1:4

Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Thaburi 92:7

atî andû arîa aganu nwa makûre ta nyaki, andû arîa mekaga maûndû macûku magîe na maûndû maro; nwatî mûthiiarî onthe nîmakaathirua viû.

Isaia 1:30

Mûgekara ta mûvuru ûûmîte mathangû ma guo, kana ta mûgûnda ûtarî na manjî.

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Jeremia 48:6

Vinyûra! Ûvonokie mwoyo waku! Vinyûrani ta nyûmbû ya werûrî!

Ezek 47:11

Nwatî manjî marî marimbarî na marî tûrikorî mwena wa îria gûtikethîrwa na manjî maro, mau makethîrwa marî ma cumbî.

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.