Jeremia 17:27 - ÎVUKU RÎA ÛVORO MWARO

²⁷ Nwatî mûngîrega kûmbathîkîra na mûririkanage mûthenya wa thavatû na mûwamûrage; mûrege gûkuua mûrigo mûvîtûkîrîre mûvîrîgarî wa Jerusalemu mûthenya wa thavatû, nîngakania mwaki ivingorî cia îtûûra, na nîûgacûkangia nyomba cia athamaki Jerusalemu na ndûkavorekia.”

Jeremia 17:27 ပူးပေါင်းရင်းမြစ်များ

2Atha 22:17

Nîmandiganîrîtie na nîmarutîrîte ngai ciîngî magongoona na kwoguo nîmandakarîtie nî maûndû monthe marîa mekîte. Nîûndû wa ûguo, nîndakarîtue nî Jerusalemu na marakara makwa matingîthira.

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Thaburi 122:7

Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

Isaia 1:20

Nwatî mwatuîka nthande na mûregane nanie, nîmûkaaûragwa na rûviû. Nînie Ngai-Mûnene naria.”

Isaia 1:31

Andû arîa marî vinya magekara ta ndagara, na wîra wake wîkare ta nthande cia mwaki, na onthe nîmakavîvua na gûtirî mûndû ûkaamavonokia.

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 18:1

Ngai-Mûnene nîwerire Jeremia atîrî,

Jeremia 21:12

Mue andû a nyomba ya Daudi! Ngai-Mûnene arauga atîrî: Tucagani ciira na kîvooto mîthenya yonthe, na onthe arîa macunîtwe indo ciao ûmavonokie, kuuma kûrî arîa mamavinyagîrîria. Ethîrwa tîmwîka guo marakara makwa nîmakana ta mwaki ûrîa ûtavorekagia, nîûndû wa maûndû menyu macûku marîa mwîkaga.”

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 22:5

Nwatî mwarega kwathîkîra ciugo ino, nie Ngai-Mûnene, neranîra na mwîvîtwa atî nyomba îno îgaatuîka îganjo.”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 39:8

Nao Akalidei nîmaavîvirie nyomba ya mûthamaki, nyomba cia andû na makîomomora nthingo cia Jerusalemu.

Jeremia 44:16

“Tue tîtûthikîrîria ndûmîrîri îo watûva kuuma kûrî Ngai-Mûnene.

Jeremia 49:27

Nîngagwatia nthingo cia Damesiki mwaki, na nîûkavîvia nthigo cia kwîgitîra Benihadadi.”

Jeremia 52:13

Nake nîwavîvirie hekarû, nyomba ya mûthamaki na nyomba cionthe cia andû a vata kûu Jerusalemu.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Jeremia 7:20

Kwoguo nie Mwathani Ngai nîrauga atî: rîu nîngwîtûrûra marakara makwa manene gûkû na makinyîre andû na nyamû cia kîthaka mîtî na mîmera yonthe ya nthî. Marakara makwa magaakana ta mwaki ûtangîvoreka.”

Maca 2:6

Omomorete hekarû yake ta kîomba Kîam mûgûnda, nîacûkangîtie îgema rîake. Ngai-Mûnene nîathirîtie irugo cia gûkûngûîra na mîthenya ya thavatû kûu Zayuni. Arî na marakara meengî nîareganîte na mûthamaki na athînjîri-Ngai.

Maca 4:11

Ngai-Mûnene nîwonanirie marakara make, na agîtûrûra marakara make, nîwakanirie mwaki kûu Zayuni, ûrîa wavîvirie mîcingi yakuo.

Ezek 16:41

Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 21:15

nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 22:8

Nîmûnyararîte indo ciakwa irîa ntheru na mûkarega gûtîîa thavatû ciakwa.

Ezek 23:38

Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.

Hosea 8:14

Andû a Isiraeli nîmariganîrîtwe nî Mûmbi wao, na magetumîra nyomba mbaro mûno; andû a Juda nîmeyongerere matûûra marîa magitîre, nwatî nîngarekia mwaki ûvîvie matûûra mau, na ûcûkangie nthingo irîa imairigîrîte.”

Amosi 1:10

Kwoguo nîngaatûma mwaki ûvîvie nthingo cia Turo, na ûcûkangie kûndû kûrîa kûgitîre.”

Amosi 1:12

Kwoguo nîngaatûma mwaki îtûûrarî rîa Temani, naguo nîûkaavîvia kûrîa kûgitîre îtûûrarî rîa Bozira.”

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Amosi 1:4

Kwoguo nîngaatûma mwaki kûrî nyomba ya Hazaeli, na nîûgacûkangia kûndû kûrîa kûgitîre kwa mûthamaki Benihadadi.

Amosi 1:7

Kwoguo nîngaatûma mwaki nthingorî cia Gaza, naguo nîûgacûkangia matûûra monthe marîa mairigîre.

Amosi 2:2

Kwoguo nîngaatûma mwaki îtûûrarî rîa Moabu, ûcûkangie kûndû kûrîa kûgitîre îtûûrarî rîa Keriothi. Rîrîa athigari a mbaara makaugîrîria na mavuve tûrumbeta, andû a Moabu nîmagaakua.

Gûco 32:22

Marakara makwa makanîte ta mwaki, mavîvagia nthî na indo cionthe irîa irî kuo. Mavîvagia nginya kwa arîa akuû, na makathiria mîcingi ya irîma.

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!