Jeremia 17:22 - ÎVUKU RÎA ÛVORO MWARO

²² Na mûtigakuue mûrigo kuuma nyombarî cienyu mûthenya wa thavatû, kana mûrute wîra wanarî ûrîkû. Kûngûagîrani mûthenya ûcio na mûwamûrage, wata ûrîa nie Ngai-Mûnene naathire methe menyu.

Jeremia 17:22 ပူးပေါင်းရင်းမြစ်များ

Nehemia 13:15

Kavinda kau nînonire andû a Juda makîviva thavibu mûthenya wa thavatû na nîmaaretaga irio cia mîgûnda maikuithîtie mvunda. Na engî nîmaaretaga ndivei, thavibu, na ndamaiyû îtûûrarî rîa Jerusalemu mûthenya wa thavatû maikuîte na mvunda. Nînaamakaanirie na ngîmeera matikendie indo mûthenya wa thavatû.

Ntha 23:12

“Rutaga wîra waku mîthenya îtandatû, nwatî mûthenya wa mûgwanja vurûkaga, nîguo ngombo ciaku, na ageni arîa makûrutagîra wîra mavurûkage, wana ndegwa na mvunda ciaku ivurûkage.

Isaia 58:13

Ngai-Mûnene arauga atîrî, “Ûngîtiga kûruta wîra mûthenya wa thavatû, ûtige kûrûmîrîra maûndû ma gwîkenia we mwene mûthenya wakwa mwamûre, ûtucage thavatû mûthenya wa gûkena na mûthenya wa Ngai-Mûnene wa kûvewa gîtîîo, ûvecage mûthenya ûcio gîtîîo, na ûtige kûthiîcaga njîra ciaku, na ûtige gûcaragia maûndû ma gwîkenia kana kwaragia ndeto itarî na kîguni,

Jeremia 17:24

Ngai-Mûnene arauga atîrî, “Mûngînthikîrîria na mûrege gûkuua kîndû mûthenya wa thavatû mûkîvîtûkîrie ivingorî cia îtûûra rîa Jerusalemu, nwatî mûririkanage mûthenya wa thavatû mûwamûrage na mûtikarute wîra mûthenya ûcio,

Ezek 20:12

Makîria ma ûguo, nînaamavere mîthenya yakwa ya thavatû îtuîke kîmenyithia gatagatî gakwa nao nîguo mamenye atî nie Ngai-Mûnene nînie nîmatheragia.

Ezek 22:8

Nîmûnyararîte indo ciakwa irîa ntheru na mûkarega gûtîîa thavatû ciakwa.

Alawi 19:3

Mue muonthe, nwanginya wa mûndû atîîage îthe na ng'ina na nwanginya mûririkanageni mîthenya yakwa ya thavatû, wata ûrîa mbathanîte. Nie nînie Ngai-Mûnene, Ngai wenyu.

Alawi 23:3

Mûrî na mîthenya îtandatû îrîa mûkaarutaga wîra, nwatî mûthenya wa mûgwanja, mûthenya wa thavatû, nî mûthenya wa kûvurûka. Mûtiagîrîrwe nî kûruta wîra mûthenya ûcio, nwatî mûgomanage vamwe nîûndû wa kûgooca. Thavatû nî yakwa, na mûkaamîmenyagîrîra mûrî wa kûrîa mûkethagîrwa mûrî.

Zakaria 1:4

Mûtigekare ta methe menyu ma tene arîa meerirwe nî arathi arîa maarî kuo mbere matigane na mîthiîre yao mîcûku na ciîko ciao njûku, nwatî matianthikîrîria kana mambathîkîra nie Ngai-Mûnene mwene vinya wonthe.

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Luka 6:5

Nake Jesû akîrîkîrîria nîwamerire atîrî, “Mûrû wa Mûndû nî Mwathani nginya wa mûthenya wa thavatû.”

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.