Jeremia 17:20 - ÎVUKU RÎA ÛVORO MWARO

²⁰ na wîre athamaki onthe a Juda, andû onthe a Juda na andû onthe arîa matûûraga Jerusalemu, arîa matonyagîrîra ivingorî ûrîa Ngai-Mûnene arauga.

Jeremia 17:20 ပူးပေါင်းရင်းမြစ်များ

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 17:19

Ngai-Mûnene nîwambîrire atîrî, “Jeremia thiî ûrûngame kîvingorî Kîam andû a Benjamini varîa athamaki a Juda matonyagîrîra na makaumîrîra, na ûthiî ivingorî cionthe cia îtûûra rîa Jerusalemu,

Jeremia 19:3

Nîûkauga atîrî, ‘Mue athamaki a Juda na atûûri onthe a Jerusalemu ta thikîrîriani ûrîa Ngai-Mûnene, mwene vinya wonthe na Ngai wa Isiraeli arauga; nama nîngûrete mûthiro mûnene mûno vandû ava, nîguo mûndû ûrîa ûkegua ûvoro wake akamaka mûno.

Jeremia 19:4

Nîmbîka ûguo nîûndû andû onthe nîmandiganîrîtie na makagwatia vandû ava mûgiro na njîra ya kûvîvîria ngai ciîngî ûbani, irîa o wana methe mao kana athamaki a Juda mataicî. Nîmecûrîtie nthamake ya andû matarî na mavîtia gûkû.

Jeremia 21:11

Nî ûkeera andû a nyomba ya mûthamaki wa Juda atîrî, “Thikîrîriani kiugo Kîam Ngai-Mûnene,

Jeremia 22:2

Ûmere atîrî: “We mûthamaki wa Juda ta thikîrîria; we wîkaragîra gîtî Kîam ûnene Kîam Daudi, we wana ndungata ciaku, na andû enyu arîa matonyagîra mîîrîgarî îno, tathikîrîriani ûrîa Ngai-Mûnene augîte.

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Hosea 5:1

Ta thikîrîriani ûvoro ûyû, mue athînjîri-Ngai! Tegani matû mue andû a Isiraeli! Ta thikîrîriani, mue nyomba ya mûthamaki! Mue mwagîrîrwe nî kûrûmîrîra kîvooto, îthenya rîa ûguo mwîthîrîtwe mûrî mûtego kûu Mizipa, ta neti ya kûmûnyita yarîtwe kîrîmarî Kîam Taboru.

Amosi 4:1

Tathikîrîriani kiugo gîkî, mue aka a Samaria mue mûnorete ta ng'ombe cia Bashani irîa ndîthie waro mûno. Mûnyamaragia athîni na mûkavinyîrîria arîa matarî kîndû na mûkera arûme enyu mamûretere ndivei mûnyue!

Mika 3:1

Mûrathi Mika nîwaugire atîrî, “Thikîrîriani mue anene na atongoria a andû a Isiraeli! Mwagîrîrwe nî kwîthîrwa mûkîrûmîrîra kîvooto.

Kûguû 2:29

Mûndû wa wonthe ûrî na matû ma kwîgua nîathikîrîrie ûrîa Roho areera makanitha!