Jeremia 17:18 - ÎVUKU RÎA ÛVORO MWARO

¹⁸ Arîa manyariraga maroconorithua, nwatî ndûgatûme njonorithua, marogîa na guoya, nwatî ndûgatûme ngîa na guoya, ûrotûma makinyîrwe nî mavinda ma thîna, maretithîrie mûthiro ûmathirie viû.

Jeremia 17:18 ပူးပေါင်းရင်းမြစ်များ

Ayubu 16:14

Andivangîtie akambîkîra irema mwîrî wonthe, antharîkagîra ta mûthigari njamba.

Thaburi 35:4

Conorithia na wagithie gîtîîo arîa mageragia kûmbûraga! Cokithia andû arîa marenda kûmbûraga na mavîngîcwe.

Thaburi 35:8

Maronyitwa nî mûthiro matevarîrîtie; maronyitwa nî mîtego yao îrîa maigîte, na mamîgwîre macûkangue!

Thaburi 40:14

Andû arîa mageragia kûmbûraga maroconoka na mavîngîcîke, arîa mendaga kûmbîka naaî marovootwa na maconorithue.

Thaburi 70:2

Arîa mendaga kûmbûraga marovootwa na mavîngîcîke. Arîa makenaga rîrîa nîrî na mathîna marocoka maconokete.

Thaburi 71:1

Mbûkîte kûrî we Ngai-Mûnene nîguo ûngitîre; ndûkareke mvootwe!

Jeremia 1:17

Nwatî we Jeremia, îîvarîrie na ûthiî ûkamere maûndû monthe marîa ngûkwatha. Ndûkamakue nî o nîguo ndigatûme ûmake ûrî mbere yao.

Jeremia 11:20

Nwatî we Ngai-Mûnene mwene vinya wonthe, ûrîa ûtucanagîra na kîvooto, we ûthimaga ngoro na meciria ma andû, tiga mone ûkîndîvîrîria kûrî andû aya, nîûndû nîwe tu ûngîtua cira wakwa.

Jeremia 12:3

Nwatî we Ngai-Mûnene nîûmbicî, we nîûnduîrîtie na ûkoona ûrîa ngwîciragia. Maguucie ta ng'ondu îvirîtwe kîthînjîrorî, maige nginya mûthenya ûrîa makaûragwa.

Jeremia 14:17

Nî ûkaamera ciugo ino: ‘Tiga metho makwa metûrûre methori ûtukû na mûthenya, matagûtigithîria, nîûndû andû akwa nîagurarie na magativua mûno.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 17:13

Ûi Ngai-Mûnene we nîwe mwîrîgîrîro wa Isiraeli, arîa onthe magûtiganagîria nîmagaconorithua; arîa mareganaga nawe marîîtwa mao mandîkîtwe mûtheturî, nîûndû nîmatiganîrîtie Ngai-Mûnene, na nîke îtherûkîro rîa manjî ma mwoyo.

Jeremia 17:16

Ndiakûringîrîria ûmaretere thîna, kana ngerirîria mûthenya wa mûthiro, we Ngai-Mûnene nîwîcî; kîrîa Kîamumire kanyuarî gakwa nîûgicî.

Jeremia 17:19

Ngai-Mûnene nîwambîrire atîrî, “Jeremia thiî ûrûngame kîvingorî Kîam andû a Benjamini varîa athamaki a Juda matonyagîrîra na makaumîrîra, na ûthiî ivingorî cionthe cia îtûûra rîa Jerusalemu,

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Gûco 33:11

We Ngai-Mûnene, mavotithie gûtonga, na wîtîkîre wîra wa njara ciao. Cûkangia vinya wa nthû ciao, nîguo nthû ciao itikavote kûrûa nao rîngî.”

Kûguû 18:6

Mwîke wata ûrîa ke agwîkîte, mûrîve maita maîrî ma ûrîa ke aagwîkire. Îcûria gîkombe gîake ndivei ndûrû maita maîrî ma îrîa ke amûthondekerete.