Jeremia 16:6 - ÎVUKU RÎA ÛVORO MWARO

⁶ Itonga na athîni onthe nîmakuîra vûrûrirî ûyû, matikathikwa na gûtirî mûndû ûkamacakaîra, kana etemanga, kana enje kîrîa nîguo onanie atî nîaramacakaîra.

Jeremia 16:6 ပူးပေါင်းရင်းမြစ်များ

2Maû 36:17

Kwoguo, Ngai-Mûnene nîwatûmire mûthamaki wa Akalidei amatharîkîre. Nao Akalidei nîmaaûragire andû ao arîa maarî ethî marî hekarûrî. Matiegucagîra andû ntha wana ethîrwa arî mûndû mwîthî kana mûndûmûka, mûndûmûrûme mûkûrû kana ûrîa mûrwaru. Ngai-Mûnene nîwamarekererie onthe kûrî mûthamaki wa Akalidei.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Isaia 24:2

Andû onthe nîmakaanyitwa nî maûndû mau: ûrîa gûgekara kûrî andû arîa engî, nwaguo gûgekara kûrî athînjîri-Ngai; kûrî ngombo, na kûrî mûmîathi; kûrî ndungata ya mwîrîtu, na kûrî mûndûmûka mûmîathi; kûrî mûgûri wa indo, na kûrî mwendia wa indo; kûrî mûvecani, na kûrî mûvewa; kûrî mûkovi wa kîndû, na kûrî mûkovithania.

Jeremia 13:13

Nîûgacoka ûmeere atî, Ngai-Mûnene arauga nîagaatûma andû a vûrûri ûyû marîwe nî ndivei, athamaki onthe arîa maatuîkire athani vandûrî va Daudi, athînjîri-Ngai, arathi na atûûri onthe a Jerusalemu.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 41:5

andû anana maumîte Shekemu, Shilo na Samaria nîmaakinyire. Nao menjetwe nderu, na marî na nguo ndembûkangu na metemangîte mîîrî nîguo monanie atî nîmarenyerekia. Maakuîte matega ma irio cia mîgûnda na ûbani mavirîte hekarûrî ya Ngai-Mûnene.

Jeremia 47:5

Andû a Gaza nî menjetwe irîya magîcakaya, îtûûra rîa Ashikeloni nîrîcûkangie viû. Mue matigari ma Anaki nîmûcakaya nginya rî?

Jeremia 48:37

Andû onthe nîenju ciongo na nderu ciao. Onthe nîmetemangîte njara, na makeyova nguo cia macakaya ciûnorî.

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Alawi 19:27

Mûtikenje njuîrî cia mîthiia ya ciongo cienyu kana mûtinatinia nderu cienyu,

Alawi 19:28

kana mwîtemange mîîrî yenyu mûgîcakaîra mûndû arî mûkuû. Nie nînie Ngai-Mûnene.

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Mathaayo 9:23

Nake Jesû nîwacokire akîthiî na agîtonya nyomba kwa mûnene ûcio. Na rîrîa oonire andû arîa maavuvaga inanda kûu mathikorî na ûrîa kîrîndî Kîamnegenaga Kîamgagîte,

Gûco 14:1

“Mue mûrî ciana cia Ngai-Mûnene Ngai wenyu. Kwoguo vîndî îrîa mûgûcakaya mûtigatemange mîîrî yenyu kana mwenje mwena wa mbere wa ciongo cienyu nîûndû wa mûndû ûrîa ûkuîte, ta ûrîa andû a mavûrûri marîa mengî mekaga.

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.

Kûguû 6:15

Nao athamaki a nthî, andû arîa marî îgweta, anene na athigari a mbaara, itonga, andû arîa marî vinya, na andû arîa engî onthe, ngombo na arîa matarî ngombo nîmeethithire ngurungarî na mathigarî ma irîma.