Jeremia 16:5 - ÎVUKU RÎA ÛVORO MWARO

⁵ “Nîûndû Ngai-Mûnene arauga atî: ndûgatonye nyomba ya andû arîa maracakaya, kana ûthiî macakayarî, kana ûmarîrîre. Nîûndû nînthengutîtie thayû, wendo wakwa ûtathiraga, na ntha ciakwa kûrî andû akwa.

Jeremia 16:5 ပူးပေါင်းရင်းမြစ်များ

Thaburi 25:6

We Ngai-Mûnene taririkana ntha ciaku na wendo waku ûtathiraga, ûrîa wonanirie kuuma tene.

Isaia 27:11

Mvûa cia mîtî ya kuo nî nyûmû na ikaunîkanga, nao aka nîmathiîcaga kuna ngû cia mîtî îo. Andû aya a Isiraeli nî aritu. Kwoguo Ngai, ûrîa wamaûmbire ndakaameguîra ntha, ke ûrîa mûmaûmbi ndakaamatuga.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Maca 3:17

Ndirî na thayû ngororî, gîkeno nîkîariganîre.

Zakaria 8:10

Nîûndû mbere ya kavinda kau gûtirî mûndû ûngîavotire kwandîka mûndû wîra kana gûkombora nyamû cia kûruta wîra. Gûtirî mûndû wethagîrwa arî mûgitîre kuuma kûrî nthû yake akiumagara kana agîcoka. Nînatûmîte andû maûkanîrîre wa mûndû na mûndû ûrîa wîngî.

Gûco 31:17

Rîrîa mageeka ûguo, nîngaarakara nîo na nîmatiganîrie, nao macoke macûkangue. Nîmakaagîa na mathîna na mînyamaaro mîîngî na nîmakaamenya atî marona mathîna na mînyamaaro îo nîûndû, Ngai wao ndarî vamwe nao.

Kûguû 6:4

Nayo mbarathi îngî ya rangi ndune nî yaumîrire. Nake ûrîa wathiîte amîkarîrîte nîwaverwe rûtha athengutie thayû gûkû nthî nîguo andû maûragane. Nake nîwaverwe rûviû rûnene