Jeremia 16:4 - ÎVUKU RÎA ÛVORO MWARO

⁴ nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 16:4 ပူးပေါင်းရင်းမြစ်များ

2Atha 9:10

Jezebeli ndakaathikwa; kimba gîake gîkaarîrwa vûrûrirî wa Jezireeli nî ngui.’ ” Rîrîa mûrathi aarîkîrîrie kuga ûguo, nîwarugûrire mûrango akiuma nyomba na akîûra na îvenya.

Thaburi 78:64

Athînjîri-Ngai ao nîmaaûragîrwe mbaararî, na aka ao a ndigwa matiamacakaîra.

Thaburi 83:10

andû arîa wathirîrie Endoru, na mîîrî yao yorere nthî.

Isaia 18:6

Ciimba cionthe cia athigari arîa njamba igaatigwa irîmarî, irîwe nî iconi na nyamû cia kîthaka. Iconi irîa irîcaga nyama ikaairîa vîndî ya riûa, nacio nyamû cia kîthaka ikaairîa vîndî ya mvevo.”

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Jeremia 19:7

Vandû ava nîvo ngaacûkangîria mîvango yonthe ya andû a Juda na Jerusalemu. Nîngatûma mavootwe nî nthû ciao marî mbaararî na imaûrage. Nîngatûma ciimba ciao irîwe nî iconi na nyamû cia kîthaka.

Jeremia 21:6

Nîngaûraga andû onthe arîa matûûraga îtûûra rîîrî; andû wana nyamû. Ngaamaûraga na mûrimû mûcûku mûno.

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 34:20

Andû acio nîngamarekereria kûrî nthû ciao, na kûrî andû arîa mendaga kûmaûraga. Ciimba ciao nîikaarîwa nî iconi cia rîerarî na nyamû cia kîthaka.

Jeremia 36:30

Kwoguo nie Ngai-Mûnene nîrauga îgûrû rîgiî Jehoiakimu mûthamaki wa Juda atî, gûtirî mûndû wa rûciaro rwake ûgekarîra gîtî Kîam Daudi Kîam ûthamaki. Kimba gîake nîgîgaikua nja nîguo kîvîe nî riûa mûthenya na ûtukû kîvîvue nî mvevo.

Jeremia 44:12

Nîndiga nona atî andû a Juda arîa matigarîte na arîa matuîte atî nîmathiî gûtûûra Misiri nîmathira onthe, anene na anini. Nîmakuîra gûkû Misiri, marî mbaararî na makue nî yûra. Nîmagaatuîka gîko, kîndû gîa kûmakania, kîrumi na gîconoko.

Jeremia 44:27

Nîngûroria mone atî ngakûretagîra maûndû macûku na ndûkona maûndû maro. Andû onthe a Juda arîa marî Misiri nîmagacûkangua na yûra na mbaara mathire viû.

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Zefania 1:17

Ngai-Mûnene arauga atîrî, “Nîngareta mûthiro kûrî andû, nîguo mathiîcage ta atumumu nthakame yao îgetûrûrwa ta rûkûngû, nacio ciimba ciao ciîtûrûrwe ta mai.

Gûco 28:22

Ngai-Mûnene nîagaatûma mûnyitwe nî wonje, kûgîa na matoo mwîrî, kûviûva mwîrî, ûrugarî mwîngî, na gûtura mbura. Maûndû mau matikaathira kûrî mue nginya rîrîa mûgaakua.

Gûco 28:26

Ciimba cienyu ikethîrwa irî irio cia iconi na nyamû cia kîthaka na gûtirî mûndû ûgaaciîngata.