Jeremia 15:6 - ÎVUKU RÎA ÛVORO MWARO

⁶ Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 15:6 ပူးပေါင်းရင်းမြစ်များ

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 28:13

Kwoguo Ngai-Mûnene nîakaamathomithia watho, kiugo gwa kiugo, ava ûndû mûnini, vaarîa ûndû mûnini; nîguo makîthiî mavîngagwe makagwa na vuva, na nîmakaaunîkanga, mategwe na manyitwe.

Isaia 31:3

Andû a Misiri nî andû tu, na tîo Ngai; nacio mbarathi ciao nî nyama tu, na tî maroho. Rîrîa Ngai-Mûnene agaatambûrûkia njara yake, mûtethania wana mûtethua, gûtirî ûtakaagwa, na onthe makaathira vamwe.

Jeremia 1:16

Nanie nîngaverithia matûûra monthe nîûndû wa waganu wao wa kûregana nanie. Nîmarutîrîte ngai cia mûvuanano magongoona na makagooca indo irîa marûthîte na njara ciao.

Jeremia 13:14

Nîngamaringithania mûndû na mûndû ûrîa wîngî, methe nîaringithanie na avîcî ao. Ndikamakirîrîria, ndikamarekia, ndikameguîra ntha, nwatî nîngamacûkangia.”

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Jeremia 6:11

Kwoguo mbîcûrîtwe nî marakara ma Ngai-Mûnene, ndiravota kûmatumîria. Ngai-Mûnene arauga atîrî, “Metûrûrîre ciana irîa irî varavararî, wana kûrî ikundi cia andû ethî. Athuuri na aka ao nîmagoocwa, wana andû arîa akûrû na arîa akûrû mûno.

Jeremia 6:12

Nyomba ciao nî ikavecanwa kûrî andû engî, wana mîgûnda yao na aka ao, nîûndû nîngatambûrûkia njara yakwa, mverithie andû a vûrûri ûyû. Ûguo nîguo Ngai-Mûnene arauga.

Jeremia 6:19

We nthî thikîrîria! Nîngûretera andû aya mûthiro, ûrî maciaro ma mîvango yao mîcûku. Nîûndû nîmaregete kûnthikîrîria, na makarega watho wakwa.

Jeremia 7:16

Ngai-Mûnene augîte atîrî, “We Jeremia, ndûkavoere andû aya, kana ûrîre ûkînthaitha nîûndû wa andû aya, nîûndû tîngûthikîrîria.

Jeremia 7:24

Nwatî matiambathîkîra kana manthikîrîria. Vandû va ûguo, marûmîrîre meciria na ûremi wa ngoro ciao, na magîcoka na vuva vandû va kûthiî na mbere.

Jeremia 8:5

Nî ndûî kîgiragia andû aya magarûrûka, rîrîa mavîtia mararega kûgarûrûka nîkî? Marûmagîrîra ngai cia mivuanano, makarega kûnjokerera.

Jeremia 8:9

Andû arîa aûgî nîmagaconorithua, nîmakavîngwa na magwatwe. Nîmaregete ciugo cia Ngai-Mûnene; nî ûûgî ûrîkû marî naguo?

Ezek 14:9

“Mûrathi angîkaveenua na arie ûndû, nie Ngai-Mûnene nînie ngethîrwa nîmûveenetie. Nîngaakûnjûra njara yakwa nîmûrute kûrî andû akwa a Isiraeli.

Ezek 25:7

Kwoguo, rîu nîngûtambûrûkia njara yakwa ndûe namue na nîmûrekererie mûtavwe nî andû a mavûrûri mengî. Nîngaamûcûkangia na ndûme mûthire viû mavûrûrirî na nîmûkaamenya atî nie nînie Ngai-Mûnene.”

Ezek 35:3

ûkîîre nie Mwathani Ngai-Mûnene mbugîte atî: Nîndeganîte nawe we kîrîma gîa Seiru. Nîngatambûrûkia njara yakwa ndûe nawe, na nîngaatûma gîtuîke werû.

Hosea 11:7

Andû akwa nîmatuîte mandiganîrie, mambîtaga Ûrîa Ûrî Îgûrû Mûno nwatî matindîîaga nama.

Hosea 13:14

Nwanginya nîmakûûre kuuma kûrî arîa akuû? Nwa nginya nîmavonokie kuuma kûrî gîkuû? We gîkuû, mûthiro waku ûrî kû? Nawe kwa arîa akuû, gûcûkangua gwaku kûrî kû? Nie ndikaameguîra ntha rîngî.

Hosea 4:16

Andû a Isiraeli maûmîtie ngingo ta mvunda; Ngai-Mûnene nwa amarîthie, ta ng'ondu îreketue gîtimarî kînene?

Zefania 1:4

Nîngaverithia andû onthe a Juda na arîa onthe matûûraga Jerusalemu; nîngacûkangia matigari monthe ma Baali kuuma gûkû nthî, marîtwa ma athînjîri-Ngai arîa matungatagîra ngai cia mîvuanano mariganîre.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.