Jeremia 15:4 - ÎVUKU RÎA ÛVORO MWARO

⁴ Nîngatûma matuîke andû a kûmakia mothamaki monthe ma nthî, nîûndû wa maûndû marîa Manase mûvîcî wa Hezekia ekire kûu Jerusalemu rîrîa aarî mûthamaki wa Juda.

Jeremia 15:4 ပူးပေါင်းရင်းမြစ်များ

2Atha 21:1

Manase aarî na ûkûrû wa mîaka îkûmi na îîrî (12) rîrîa aatuîkire mûthamaki wa Juda, na aathanire arî Jerusalemu îvinda rîa mîaka mîrongo îtano na îtano (55). Ng'ina etagwa Hefiziba.

2Atha 21:15

Ngaameka maûndû mau monthe nîûndû nîmamvîtîrîtie na nîmaandakaririe kuuma rîrîa methe mao maaumire Misiri nginya ûmûnthî.”

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Maû 33:1

Manase aatuîkire mûthamaki wa Juda arî na ûkûrû wa mîaka îkûmi na îîrî (12). Nîwathanire arî Jerusalemu îvinda rîa mîaka mîrongo îtano na îtano (55).

2Maû 33:2

Nîwekire maûndû macûku mbere ya Ngai-Mûnene. Nîwarûmîrîre mîtugo mîcûku ya mavûrûri marîa Ngai-Mûnene eengatire kuuma vûrûrirî ûcio mbere ya andû a Isiraeli matonya kuo.

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Jeremia 34:17

Kwoguo nie Ngai-Mûnene nîrauga atî, mue mûtiambathîkîra na njîra ya kûrekereria andû enyu a Isiraeli. Kwoguo nie nîngûmûrekereria mûragwe nî mbaara, mîrimû na yûra. Nîngatûma mothamaki monthe ma nthî mamake nîûndû wa maûndû marîa ngûmwîka.

Jeremia 9:16

Nîngamanyagania mavûrûrirî marîa o wana methe mao mataicî na nîngatûma athigari a mbaara mamarûmîrîrie nginya nîmaûrage nîmathirie viû.”

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Ezek 18:19

“Kûnarî ûguo mue mûragia atî, ‘Mûvîcî angîrega kûverithua nîûndû wa mavîtia ma îthe nîkî?’ Mûvîcî angîka maûndû marîa magîrîrîte na ma ma, na nîarûmagîrîra watho wakwa waro, na ma nîagaatûûra mwoyo.

Ezek 23:46

Ngai-Mûnene arauga atîrî: “Nîgûgaaûka gîkundi Kîam andû eengî kîmatharîkîre na kîmacuune indo ciao.

Alawi 26:33

Nîngaatûma mûrûe mbaara na nîmûnyaganie mavûrûrirî marîa mengî. Vûrûri wenyu nîûgaatiganîrua, na matûûra menyu matigwe marî momokangu.

Gûco 28:25

“Ngai-Mûnene nîagaatûma mûvootwe nî nthû cienyu. Mûkaamatharîkîra kuuma mwena ûmwe, nwatî mûkaaûra nîo na mîena yonthe. Andû onthe a nthî nîmakaanyitwa nî guoya nyîngî mona ûrîa gwîkîkîte kûrî mue.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.