Jeremia 15:19 - ÎVUKU RÎA ÛVORO MWARO

¹⁹ Kwoguo Ngai-Mûnene arauga atîrî, “Ûngînjokerera nîngûgûcokia ûrîa wekariî mbere, nawe nî ûkandungatîra rîngî. Ûngîaria maûndû marîa magîrîrîte na tî marîa matarî vata, we ûkaragia vandûrî vakwa. Andû nîmagagûcokerera, nwatî we ndûkaathiî kûrî o.

Jeremia 15:19 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

Ntha 4:12

Thiî rîu! Nîngaagûtethia kwaria na nîngaakwîra ûrîa ûkaauga.”

Nthi 22:29

Nîkûrî na mûndû mwara wîrarî wake? Ûcio nîagaatungatîra athamaki, ndagaatungatîra andû matarî îgweta.

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 20:9

Nînacokire ngiuga atî: “Ndikamûgweta, kana mbaria rîngî ngîgwetaga rîîtwa rîake,” ngororî yakwa îthagîrwa îgîakana ta mwaki, ûvingîrîtwe mavîndîrî makwa. Nîngeragia mûno ndûkaume kuo nwatî nînemagwa.

Jeremia 35:19

Kwoguo Ngai-Mûnene mwene vinya wonthe, Ngai wa Isiraeli arauga atî, gûtigatura mûndû wa kûndungatîra kuuma kûrî njiarwa cia Jonadabu mûvîcî wa Rekabu.”

Jeremia 4:1

Ngai-Mûnene arauga atîrî, “Mue andû a Isiraeli mûngîenda kûnjokerera njokererani. Mûngîruta indo irîa irî mûgiro mbere yakwa na mûtuîke evokeku kûrî nie,

Jeremia 6:29

Mwaki ûrakana na vinya, cuuma îravîa îkathira; gûtirî na vata wa kûtheria andû akwa, nîûndû andû aganu matingîthirwa nî waganu wao.

Maca 1:11

Andû onthe a Jerusalemu nîmaracaa magîcaria gîa kûrîa, makûûrananagia ûtonga wao na irio cia kûrîa, nîguo matûûre mwoyo. “We Ngai-Mûnene, ta roria wone ûrîa nyararîtwe.”

Ezek 2:7

We nîûkaamera ciugo ciakwa wana makûthikîrîria kana marege gûkûthikîrîria nîûndû andû acio nî aremi.

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Alawi 10:10

Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.

Alawi 14:57

Mawatho mama nîmo monanagia rîrîa kîndû kîrî kîtheru na rîrîa gîtarî kîtheru.

Jona 3:2

“Ûkîra ûthiî Nineve, îtûûra rîu rînene, ûkanîrîre ndûmîrîri îo ngûvete kûrî andû a kuo.”

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 12:12

Nîûndû îvinda rîu rîakinya, Roho Mûtheru nîakaamûthomithia ûrîa mwagîrîrwe nî kwîyarîrîria.”

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 21:36

Îkaragani mwîvarîrîtie vingo cionthe na mûkîvoyaga, nîguo mûgîe na vinya wa kûmîrîria maûndû monthe marîa marî vakuvî gwîkîka, na mûgîe vinya wa kûrûngama mbere ya Mûrû wa Mûndû.”

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

Agal 1:10

Ndiugaga maûndû mama nîguo ngenie andû nwatî mendaga gûkenia Ngai. Na ethîrwa mendaga gûkenia andû, ndiagîrîrwe nî kwîthîrwa nîrî ndungata ya Kristû.

Agal 2:5

Nwatî tûtietîkîra ûvoro wao wanarî ndagîka îmwe, nîûndû nîtwendaga ûma wa ûvoro mwaro ûtûûrue nîûndû wenyu.

Ahib 5:14

Nwatî irio ino nyûmû nî cia andû agima, arîa marutîtwe na njîra ya ciîko gûkûûrana maûndû maro na maûndû macûku.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,