Jeremia 15:18 - ÎVUKU RÎA ÛVORO MWARO

¹⁸ Nîndûî kîgiragia ruo rwakwa rûthira? Nîndûî kîgiragia ironda ciakwa ithondekeka? Nîndûî kîgiragia ivone? Kana nîkwa ûrenda kûmveenia ta karunjî karîa kavûcaga vîndî ya riûa?

Jeremia 15:18 ပူးပေါင်းရင်းမြစ်များ

Ayubu 14:11

“Wata ûrîa manjî mavûcaga îriarî, na rûnjî rûkavûa rûgatiga kûnyûrûrûkia manjî,

Ayubu 34:6

Wana ethîrwa ndirî na mavîtia, nie nducagwa mûthaani; kîronda gîakwa gîtivoraga, wana ethîrwa ndirî mwîvia.’

Thaburi 6:3

Nîrî na thîna nyîngî mûno ngororî. Ûûi Ngai-Mûnene, nî mbeterera ûtethio waku nginya rî?

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 14:3

Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Jeremia 20:18

Nîndûî gîatûmire njiarwe? Naciarirwe nîguo monage mathîna na kîeva, na njonorithague ûtûûrorî wakwa wonthe?

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 30:12

Ngai-Mûnene arauga atîrî, “Ngurara ciaku itingîvora, na ironda cienyu itingîthondekeka.

Jeremia 30:15

Mûrarîra nîûndû wa ngurara cienyu nîkî? Ruuo rwenyu rûtingîthira. Nîmwîkîte maûndû mama monthe, nîûndû mavîtia menyu nî manene, mevia menyu nî meengî mûno.

Mika 1:14

Kwoguo mue andû a Juda, vani andû a Moreshethi Gathu iveo cia kûmaugîra ûvoro. Narîo îtûûra rîa Akizibu rîtigateethia athamaki a Isiraeli.

Mika 1:9

Nîûndû nguraro cia andû a Samaria itingîvona, nao andû a Juda nîagwate nî thîna wata ûcio, thîna ûkinyîte ivingorî cia Jerusalemu, kûrîa andû akwa matûûraga.”