Jeremia 15:16 - ÎVUKU RÎA ÛVORO MWARO

¹⁶ We wambarîrie, na nie ngîkûthikîrîria, ciugo ciaku igîtûma ngene na njanjamûke, nîûndû nie mbîtanîtue na rîîtwa rîaku, we Ngai-Mûnene Ngai mwene vinya wonthe.

Jeremia 15:16 ပူးပေါင်းရင်းမြစ်များ

Nehemia 8:12

Kwoguo andû onthe nîmeenûkire mîciî kwao na nîmaarîre na makînyua marî na gîkeno. Nîmaacokire makîgaîra andû arîa mataarî na kîndû nîûndû nîmaataûkîrwe nî ciugo irîa maathomerwe.

Ayubu 23:12

Ndianatiga kûrûmîrîra maathani make, ciugo ciake nîcigîte ngororî yakwa.

Thaburi 119:111

Matuîro maku ma ciira nîmo îgai rîakwa rîa tene na tene; mau nîmo matûmaga ngoro yakwa îkene.

Thaburi 119:16

Nîngenagîra mawatho maku; ndikaariganîrwa nî kiugo gîaku.

Thaburi 119:72

Watho ûrîa wamvere, kûrî nie nî mwaro mûno gûkîra thaavu na sîlûva cionthe.

Thaburi 119:97

Ûûi, kaî nîmendete watho waku-î! Ndindaga ngîîciria ûvoro waguo mûthenya mûgima.

Thaburi 19:10

Nî makwendeka mûno gûkîra thaavu ntheri, marî mûrîo gûkîra ûûkî ûrîa mûtheru mûno.

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Ezek 2:8

“Nwatî we mûndû thikîrîria ûrîa ngûkwîra, na ndûgatuîke mûremi ta andû acio. Vingûra kanyua ûrîe kîrîa ngûkûnengera.”

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?