Jeremia 14:3 - ÎVUKU RÎA ÛVORO MWARO

³ Anene ao nîmatûmaga ndungata ciao manjî, mathiîcaga irikorî cia manjî nwatî mationaga manjî, macokaga na mîtûngi îtarî na kîndû, makunîkaga mothiû mao nî gûconoka na kûrwa nî vinya.

Jeremia 14:3 ပူးပေါင်းရင်းမြစ်များ

2Sam 15:30

Daudi nîwaunûkirie kîrîma Kîam mîtamaiyû îrîa îciaraga matunda arî magûrû matheri akîrîraga; eekunîkîrîte kîongo ta mûndû agîcakaya. Nao andû onthe arîa maarî nake nîmeekunîkîre ciongo na makîmûrûmîrîra makîrîraga.

2Sam 19:4

Mûthamaki nîwakunîkire ûthiû wake na akîrîra augîrîrîtie akiugaga atîrî, “Wûi mûvîcîwa! Wûi Mûvîcîwa Abusalomu! Mûvîcîwa Abusalomu!”

1Atha 17:7

Vuva wa kavinda kanini karûnjî kau nîkaavwîre nîûndû gûtiarî na mbura vûrûrirî ûcio.

2Atha 18:31

Mûtikathikîrîrie Hezekia, nîûndû mûthamaki wa Asîria augîte atî, mwîgucane nake na mwînenganîre kûrî ke. Mue muonthe nîmûgaacoka mûrîcage thavibu kuuma mîthaviburî yenyu, na ngûû kuuma mîkûyûrî yenyu, na mûnyunyage manjî kuuma ithimarî cienyu,

Esita 6:12

Moridekai nîwacokire kîvingorî kwa mûthamaki nake Hamani akînûka narua enamîtie ûthiû nîûndû wa gûconoka.

Ayubu 6:20

Nîmaarakarire nîûndû maarî na kîîrîgîrîro, makinya kuo nîmaaconokire na makîagaga meciria.

Thaburi 109:29

Nthû ciakwa nîikunîkîrwe nî nthoni ta nguo; na mekîre gîconoko ta nguo irîa mekagîra.

Thaburi 40:14

Andû arîa mageragia kûmbûraga maroconoka na mavîngîcîke, arîa mendaga kûmbîka naaî marovootwa na maconorithue.

Jeremia 14:4

Arîmi marî na kîeva na magakunîka ciongo ciao, nîûndû wa kwona ûrîa nthî yûmagarîte.

Jeremia 15:18

Nîndûî kîgiragia ruo rwakwa rûthira? Nîndûî kîgiragia ironda ciakwa ithondekeka? Nîndûî kîgiragia ivone? Kana nîkwa ûrenda kûmveenia ta karunjî karîa kavûcaga vîndî ya riûa?

Jeremia 2:13

Nîûndû andû akwa nîmekîte mavîtia maîrî; nîmandiganîrîtie nie îtherûkîro rîa manjî ma mwoyo, na makeînjîra iriko ciao cia manjî; iriko mbatûkangu itangiga manjî.

Jeremia 2:37

Nîmûkauma kûu Misiri, mwîkîrîte njara ciongo nî nthoni. Nie Ngai-Mûnene nîndeganîte na andû arîa wîvokete, na ûtethio wao ndûgatûma maûndû maku mavue.

Jeremia 20:11

Nwatî we Ngai-Mûnene ûrî vamwe nanie, kûrî nie we ûrî mûthigari njamba ya kûmakania; kwoguo arîa manyariraga matikamvoota, nîmagaconoka mûno nîûndû matikavootana. Gîconoko Kîamo nîgîtûûra tene na tene gîtikariganîra.

Jeremia 3:3

Kwoguo mbura nene nîmvingîrîrie, wana îrîa nini nîndigu kuura; kûnarî ûguo we wîigaga ta îraa; na ndwîgucaga nthoni.

Maca 4:4

îtiganagîria ciana ciayo, ikua nî yûra na nyonda; ciana ciayo ivoyaga gîa kûrîa, na itionaga wa kûmarûmia kîndû.

Hosea 2:3

Ethîrwa tî ûguo nîngûmûruta nguo atigwe arî njaga, nîngatûma ekare ta ûrîa aaciarirwe. Nîngatûma ekare ta werû, nîngatûma ekare ta nthî nyûmû. Nîngamûraga na nyonda.

Joeli 1:20

Wana nyamû cia kîthaka nîirakûrîrîra we, nîûndû tûmîtaro twa manjî rîu nî tûnyaru, mwaki nîûthirîtie kûndû gwa kûrîthua werûrî.

Amosi 4:7

Nînagiririe mbura yure rîrîa mwamîvatarîte mûno. Nînatûmire mbura yure îtûûrarî rîmwe nwatî ngîgiria yure îtûûrarî rîu rîngî. Mbura yauraga mûgûndarî ûmwe nwatî mûgûnda ûcio wîngî ûkaûmagara.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.

Zakaria 14:17

Na kûngîkethîrwa kûrî na rûrîrî rûkaarega kûthiî Jerusalemu kûgooca Ngai-Mûnene mwene vinya wonthe ûrîa mûthamaki, vûrûri wao nîûgaatura mbura.