Jeremia 14:20 - ÎVUKU RÎA ÛVORO MWARO

²⁰ Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 14:20 ပူးပေါင်းရင်းမြစ်များ

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

Nehemia 9:2

Andû onthe a Isiraeli nîmeeyamûranîtie na ageni. Nao nîmaarûngamire na nîmaambîrîrie kumbûra mevia mao na marîa methe mao ma tene meekîte.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 32:5

Nînaacokire ngiumbûra mevia makwa kûrî we, na ndiathitha mavîtia makwa. Nînatwire nyumbûre mevia makwa kûrî we, na nîwanjovere mevia makwa monthe.

Jeremia 14:7

Nao andû akwa marauga atî: “Wana ethîrwa mevia metû nîmaratûcuka, we Ngai-Mûnene tûtethie nîûndû wa kwenda gwaku, twanagûtiganîria mavinda meengî, nîtûkûvîtîrîtie.

Jeremia 3:13

Îtîkîrani tu mevia menyu, atî nîmwareganire na Ngai-Mûnene Ngai wenyu; na atî rungu rwa mîtî yonthe mîruru, nîwonanîtie wendo waku kûrî ngai ciîngî; na warega kwathîkîra mûgambo wakwa, ûguo nîguo Ngai-Mûnene arauga.”

Jeremia 3:25

Twagîrîrwe nî kûmama nthî tûthithîte mothiû metû nîûndû wa ûrîa tûconokete, tûreke gîconoko gîetû gîtûkunîkîre nîûndû tue, vamwe na methe metû tûtwîre twîvagia Ngai-Mûnene, Ngai wetû, na tûtianathîkîra mûgambo wake.

Jeremia 8:14

“Twîkarîte wa ûguo nîkî? Tûgomane vamwe tûthiî matûûrarî marîa mairigîre tûgakuîre kuo. Nîûndû Ngai-Mûnene Ngai wetû nîatûtuîrîrîte gûkuîra kuo, na nîatûvete manjî marî na ûrogi tûnyue, nîûndû nîtûmûvîtîrîtie.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 3:42

“Nîtwîvîtie na twarega gûkwathîkîra, nawe Ngai-Mûnene nî ûregete gûtûrekera.

Maca 5:7

Methe metû mevirie na rîu matirî vo, na rîu tûraverithua nîûndû wa mevia mao.

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Amosi 7:2

Rîrîa ngige ciarîîre mîmera yonthe vûrûrirî nînaugire atîrî, “Ûûi Ngai-Mûnene, Ngai nakûthaitha movere. Njiarwa cia Jakovu îgatûûra mwoyo atîa? Nî anini mûno!”