Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Jeremia 14:2 - ÎVUKU RÎA ÛVORO MWARO

2 “Juda nîîracakaya, matûûra ma Juda mamamîte nthî magîcakaya, andû akuo maracakaya maturîtie maru mao, andû a Jerusalemu nî mararîra makîenda ûtethio.

အခန်းကိုကြည့်ပါ။ ကော်ပီ




Jeremia 14:2
30 ပူးပေါင်းရင်းမြစ်များ  

Kwoguo nîmaatûmire arîa athîni makaîra Ngai, nake Ngai nîweguire kîrîro Kîam arîa maavinyîrîrîtue.


Ng'ombe cietû irociara njaû nyîngî, itikarege kûgîa mavu kana ivuna. Gûtikagîe kîeva kana kîrîro icagirî cietû.


ûrîa macaaga nîwaririkanire kîrîkanîro gîake na Iburahimu, Isaka, na Jakovu.


Ngoro yakwa nîîrarîrîra Moabu! Andû a kuo maûrîte makathiî Zoari, na Egilathi-shelishiya. Maunûkîtie na njîra îrîa îthiîte Luhithi makîrîraga; marî njîrarî mathiîte Horonaimu, nîmarauga mbu nî ûrîa macûkangîtue.


Kûrî na kîrîro na kûu njîrarî nîûndû wa gûtura ndivei; gîkeno kîonthe nî kîthiru; nthî ndîrî na gîkeno.


Nthî nîîkwara indo cionthe ciûme; mavûrûri ma nthî nîmaratangîka na makathirwa nî vinya; îgûrû na nthî nî ithirîte vinya.


Mîthavibu nîravova, nayo ndivei îkathira. Arîa onthe marakenaga rîu marî na kîeva.


Ivingo cia îtûûra rîa Zayuni nîikaarîra na icakae, narîo îtûûra rîkethîrwa rîkariî ta mûndûmûka acunîtwe indo cionthe, ekarîte nthî mûtheturî.


Nthî îrî na kîeva na îkarega gûciara maciaro, mîtî ya Lebanoni nî mîûmû; Kîamnda kînoru gîa Sharoni gîkariî ta werû, nayo mîtî ya Bashani na Karimeli nî mîrivarivûku mathangû ma yo.


Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.


Kwoguo Ngai-Mûnene arauga atî, nîngûmaretera maûndû macûku na gûtirî mûndû ûkamaûrîra; wana mangaîra, ndikamathikîrîria.


Nîmatûmîte ûtuîke îganjo, ûrandîrîra ûrî maganjo, vûrûri wonthe watuîkire werû, nwatî gûtirî mûndû ûtindanagîra naguo.


Nî nginya rî vûrûri ûgwîkara ûgîcakayaga, na nyaki yonthe îrî nyûmû mîgûndarî. Nyamû na iconi nîkwa irakua, nîûndû wa waganu wa andû acio, marauga atî: “Ngai ndarona ûrîa tûreka.”


Kîrîro nî kîguwe mîciîrî yao, rîrîa ûkamaretera gîkundi gîa acunani wa rîmwe! Nîûndû nîmamînjîrîte îrima nîguo ngwe, na magatega mîtego nîguo ngwatue.


Kwoguo nthî nîgacakaya; nakuo îgûrû kûgîe nduma, nîûndû ûguo nîguo mbugîte na ngatua; ndingîricûkwa kana ngarûrûka.


Mavûrûri nîmeguîte gîconoko kîenyu, na nthî îcûrîtwe nî kîrîro kîenyu; nîûndû athigari njamba maravîngîcana o ene kwa ene; onthe vamwe nîagwîu.


Andû akwa marî ativie wananie nîrî mûtivie ngoro, nîracakaya na ngathirwa nî vinya viû.


Ngai-Mûnene nîwatuîte omomore rûthingo rwa Zayuni, nîaithimîte na akoona atî nîaciomomorete cionthe. Nthingo na nyomba irîa ndaca na îgûrû ciomomokete ikamamanîra vamwe.


Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.


Ngothi yetû îrakana ta mwaki, nîûndû wa yûra rîrîa tûrî narîo.


Kwoguo vûrûri wonthe nî werû, na kîûmbe kîonthe gîtûûraga vûrûrirî ûcio nîkîrathirua; wana nyamû cia kîthaka na iconi; wana nthamaki cia îriarî nîiracûkangua.”


Mîgûnda îtigîtwe îtarî kîndû, nthî nîîracakaya nîûndû ngano nînjûkangie, ndivei nî nthiru na maguta magatura.


Cakayani mue arîmi; rîrani mue mûmenyagîrîra mîthavibu. Ngano na cairi nî njûkangie, maketha monthe mîgûndarî nî macûkangie.


Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.


Wa ûrîa magûkuvîvîria andû maragwatwa nî guoya, mothiû mao magatuka nî guoya.


Nîndûmîte kûgîe na thano vûrûrirî, na îgacûkangia irîmarî, mîgûnda ya ngano, mîgûnda ya mîthavibu na ya mîtamaiyû, andû na nyamû na kîrîa kîonthe mûkûragia.”


Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.


Nao andû arîa mataakua nîmaanyitirwe nî mûrimû wa nyimba nao andû a îtûûra rîu makûvoya Ngai na Ngai akîgua mavoya mao.


“Rûciû îthaarî wata rîrî, nie nîngaatûma mûndûmûrûme kuuma mûvîrîgarî wa Benjamini aûke kûrî we; we nîûkaamwîtîrîria maguta nîguo atuîke mûthamaki wa andû akwa a Isiraeli, na nîke ûkaavonokia andû akwa kuuma kûrî Afilisiti. Nie nîmonete ûrîa andû akwa marî na ruuo na nîmbîguîte makîmvoya ûtethio.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ