Jeremia 14:19 - ÎVUKU RÎA ÛVORO MWARO

¹⁹ Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 14:19 ပူးပေါင်းရင်းမြစ်များ

2Maû 36:16

Nwatî andû a Juda nîmaathiîre na mbere kûthekerera anjaama ake na kwira ndûmîrîri yake na kûnyûrûria arathi ake nginya Ngai-Mûnene akîrakara nî andû ake mûno ûndû atangîamarekeere.

Ayubu 30:26

Nwatî rîrîa nerîgîrîra maûndû maro, monaga marîa macûku. Na rîrîa nerîgîrîra ûtheri, monaga nduma.

Thaburi 78:59

Rîrîa Ngai oonire maûndû mau nîwarakarire mûno, kwoguo nîwaregire andû a Isiraeli viû.

Thaburi 89:38

Nwatî rîu we Ngai wî mûrakaru nî mûthamaki ûrîa ûthuurîte, nîûmûtiganîrîtie na nîûmûregete.

Nthi 29:1

Mûndû ûrîa ûkaanagua ûndû maita meengî akîûmagia kîongo, agaacûkangua wa rîmwe ûndû atangîvona.

Jeremia 12:7

Ngai-Mûnene arauga atîrî, “Nîndiganîrîtie andû akwa a Isiraeli, nîndeete andû akwa kîûmbe, nîndekereretie mwenda wakwa njararî cia nthû ciake.

Jeremia 12:8

Andû akwa nîmambûkîrîrîte, nîmarandaramîra ta mûnyambû kîthakarî, na kwoguo nînîmamenete.

Jeremia 15:1

Ngai-Mûnene nîwacokire akîmbîra atîrî, “Wana Musa na Samueli mangîrûngama mbere yakwa, nie ndingîguîra andû aya ntha. Meere mathiî maume mbere yakwa.

Jeremia 15:18

Nîndûî kîgiragia ruo rwakwa rûthira? Nîndûî kîgiragia ironda ciakwa ithondekeka? Nîndûî kîgiragia ivone? Kana nîkwa ûrenda kûmveenia ta karunjî karîa kavûcaga vîndî ya riûa?

Jeremia 30:12

Ngai-Mûnene arauga atîrî, “Ngurara ciaku itingîvora, na ironda cienyu itingîthondekeka.

Jeremia 30:13

Gûtirî mûndû ûkarûmbûyania na maûndû menyu, gûtirî ndawa îngîvonia ironda cienyu, mue mûtingîvona.

Jeremia 51:5

Nîûndû nie Ngai-Mûnene mwene vinya wonthe, ndirî mûtiganîriu andû a Isiraeli na a Juda, wana ethîrwa vûrûri wao na wa Akalidei nîûvîtîrîtie Ûrîa Mûtheru wa Isiraeli.

Jeremia 6:30

Magetagwa sîlûva îrîa îtarî na vata, nîûndû Ngai-Mûnene nîamaregete.”

Jeremia 7:29

“Mue andû a Jerusalemu, enjani njuîrî cienyu na mûite, cakayani mûrî tûthûrûmûndûrî twa irîma, nîûndû nie Ngai-Mûnene nîrîmûrakaru nîmue, nînîmûregete na ngamûtiganîria.

Jeremia 8:15

Twerîgîrîre thayû nwatî gûtirî wega twonire, tûkîrîgîrîra îvinda rîa ûvonia nwatî twonire kîmako.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Maca 2:13

Nîngîkûvoreria atîa? Nîngîkûgerekania na ndûî we mwarî wa Jerusalemu? Nîngîkûvanania na ndûî nîguo mvote gûkûvooreria? We Zayuni ûrî mûnyaka mûno, mîthiro yaku ndîrî mûthiia nîta îria rîrîa rînene. Nû ûngîvota gûkûvonokia?

Maca 2:22

Wetire nthû ciakwa kuuma mîena yonthe, nîmaûkire kûrî nie ta andû metîtwe kîrugorî; mûthenya ûrîa watumûkire na marakara, nthû ciaûragire ciana ciakwa, irîa njiarîte na ngarera.

Maca 4:17

Twekarire tweterere ûtethio tûkînoga, twetererete ûtethio kuuma kûrî vûrûri ûtangîtûvonokia.

Maca 5:22

Kana nîkwa ûtûtiganîrîtie viû? Nîkwa ûrî mûrakaru mûno nîtue?

Mika 1:12

Andû a Marothu metererete kwona maûndû maro, nîûndû Ngai-Mûnene nîatûmîte kûgîa thîna, nginya kîvingorî Kîam Jerusalemu.

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.