Jeremia 14:18 - ÎVUKU RÎA ÛVORO MWARO

¹⁸ Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Jeremia 14:18 ပူးပေါင်းရင်းမြစ်များ

Isaia 22:2

Nîndûî kîratûma mugîrîrie mûkenete, îtûûra rîonthe rîcûrîtwe nî wagagu na înegene. Andû enyu arîa maakwire matiaûragwa na mviû, na matiaûragîrwa mbaararî.

Isaia 28:7

Arathi na athînjîri-Ngai wanao nî arîe nî ndivei, nîmaratûgûgana nîûndû wa kûrîwa nî njovi ndûrû. Nîavîngîcîku nîûndû wa kûrîwa nî njovi ndûrû, nîavîngîce nî ndivei makaremwa nî kwona cioneki, nîmavîngagwa magîtua ciira.

Jeremia 2:8

Athînjîri-Ngai matiaûria atîrî, ‘Ngai-Mûnene arî kû?’ Arîa maarî na ûûgî wa Watho matiamenya, athani nîmareganire nanie. Arathi maarathire na rîîtwa rîa Baali na makîgooca mîvuanano îrîa îtarî vata.”

Jeremia 23:21

Ngai-Mûnene arauga atîrî, “Ndianatûma arathi, nwatî nîmaavinyûrire na ndianameera wanarî ûndû nwatî nîmaarutire ûrathi.

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 6:13

Kuuma ûrîa mûnini nginya ûrîa mûnene gatagatîrî kao, macaragia mbeca na njîra îrîa îtagîrîrîte, na kuuma kûrî arathi nginya kûrî athînjîri-Ngai, onthe nîmaveenanagia.

Jeremia 6:25

Tûtingîthiî mîgûndarî, kana tûthiîrîra varavararî, nîûndû nthû igwatîte indo cia mbaara, na guoya wîcûrîte kûndû kuonthe.”

Jeremia 8:10

Kwoguo nîngaavecana aka ao kûrî andû engî, mvecane mîgûnda yao kûrî andû engî. Nîûndû kuuma ûrîa mûnini nginya ûrîa mûnene, onthe macaragia indo na njîra îrîa îtarî ya ma. Kuuma kûrî arathi kûthiî kûrî athînjîri-Ngai, onthe mekaga maûndû ma maveeni.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 2:19

Ramûka ûkaîre Ngai-Mûnene ûtukû! Rara ûgîkaîra Ngai-Mûnene! Mûvoe nîûndû wa ciana cienyu, irîa irakua nî yûra irî njîrarî.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Amosi 4:6

Nînie natûmire kûgîe na yûra matûûrarî menyu monthe nwatî mûtianjokerera.

Mika 3:11

Atucanîri ciira marutaga wîra wao nîguo mavewe îvaki, athînjîri-Ngai mathomithagia watho nîguo marîvwe, nao arathi mataûraga cioneki nîguo mavewe mbeca. Kûnarî ûguo nîmetîîaga megiritanîtie na Ngai-Mûnene makiugaga atîrî, “Ngai-Mûnene arî vamwe natue, na gûtirî ûndû mûcûku ûngîtûnyita!”

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

Gûco 28:64

“Ngai-Mûnene nîakaamûnyagania mavûrûrirî monthe ma nthî. Nîmûgaatungatîra ngai ng'eni irûthîtwe na mîtî na mathiga, irîa mue wana methe menyu mataanagooca.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!