Jeremia 14:16 - ÎVUKU RÎA ÛVORO MWARO

¹⁶ Nao andû arîa marathîra maûndû mama nîmakaûragwa na njîra wata îo. Ciimba ciao nîigaatewa njîrarî cia Jerusalemu, na gûtirî mûndû ûkaithika, aka ao, avîcî ao na erîtu ao, nîngaamaverithia nîûndû wa waganu wao.

Jeremia 14:16 ပူးပေါင်းရင်းမြစ်များ

Nthi 1:31

Kwoguo, nîmûkaarîa matunda ma mîthiîre yenyu, na mûvûnue nî mîvango yenyu.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Isaia 9:16

Atongoria a andû aya nîmamavîtithîtie, nao arîa matongoragua nî andû aya nîmaûrîte.

Jeremia 16:4

nîmakaûragwa nî mîrimû mîcûku na gûtirî mûndû ûkamacakaîra kana amathika, mîîrî yao îgaatuîka ta irûndo cia mai gûkû nthî. Makaûragîrwa mbaararî na maûragwe nî yûra. Ciimba ciao ikaarîwa nî iconi na nyamû cia kîthaka.

Jeremia 18:21

Kwoguo rekereria ciana ciao irîwe nî yûra, tiga maûragîrwe mbaararî, aka ao marokuîrwa nî ciana ciao na athuuri ao. Arûme ao maroûragwa nî mîrimû mîcûku, na anake ao maûragîrwe mbaararî.

Jeremia 20:6

Nawe Pashuri, na andû onthe arîa matûûraga nyomba gwaku, nîmûgaatavwa mûvirwe Babuloni mûrî ngombo. Kûu nîkuo we na arata aku onthe arîa wavecaga ûrathi wa maveeni mûgakuîra na mûthikwe.’ ”

Jeremia 27:15

Ngai-Mûnene augîte: tî nie ndûmîte arathi acio, nwatî maramûrathîra maûndû ma maveeni magîtûmagîra rîîtwa rîakwa. Nîngûmwîngata mûthiî mûkaûragwe, mue vamwe na arathi acio maramwîra maûndû ma maveeni.”

Jeremia 4:18

Ciîko cienyu na mîthiîre yenyu, nîyo îkûreterete maûndû mama; ûcio nîguo mûthiro na nî mûrûrû; ûtonyete nginya ngororî yaku ndaarî.”

Jeremia 5:31

arathi methîrîtwe makîruta ûrathi wa maveeni, na athînjîri-Ngai makathana wa ûrîa makwenda. Andû akwa makona ûndû ûcio ûrî mwagîrîru. Nwatî maûndû mama makinya mûthiia mûgeka atîa?”

Jeremia 7:33

Ciimba cia andû aya ikaarîwa nî iconi cia rîerarî na nyamû cia kîthaka na gûtirî mûndû ûkaimakia.

Jeremia 8:1

Ngai-Mûnene arauga atîrî, “Vîndî îo mavîndî ma athamaki a Juda, mavîndî ma anene, mavîndî ma athînjîri-Ngai, mavîndî ma arathi na mavîndî ma atûûri a Jerusalemu nîmakaarutwa mbîîrîrarî ciao.

Jeremia 8:2

Nîmakaanyagarûkua riûarî, mwerirî, na njatarî, irîa mendete na maaitungatagîra, irîa marûmîrîrîte na makagooca. Mavîndî mau matigacokanîrîrua kana mathikwa, makethîrwa mekariî ta mai marî îgûrû rîa nthî.

Jeremia 9:20

Mue aka ta thikîrîriani ciugo cia Ngai-Mûnene, tegani matû mwîgue ûrîa arauga. Thomithiani erîtu enyu gûcakaya, na mûthomithie arata enyu nyîmbo cia mathiko.

Jeremia 9:22

Ngai-Mûnene nîwambîrire mbuge atî: “Ciimba cia andû inyagarûkîte ta mai ma ng'ombe mîgûndarî, ta imanja cia ngano itemetwe nî mûkethi, itarî na mûndû wa gûciûngani.”

Ezek 39:14

Vuva wa mîeri mûgwanja, nîmakaathuura andû mathiîcage kûu vûrûrirî magîcaragia andû arîa matarî athike nîguo mamathike matherie vûrûri wao.

Amosi 7:17

Kwoguo Ngai-Mûnene arauga atîrî, ‘Mûka waku akethîrwa arî îraa îtûûrarî, nacio ciana ciaku nîikaûragîrwa mbaararî na mûgûnda waku nîûgatûrangîrwa andû engî. We mwene, ûgaakuîra vûrûrirî ûtarî mûtheru, nao andû onthe a Isiraeli nîmagaatavwa mavirwe îthamîriorî kûraca na vûrûri wao.’ ”

Mathaayo 15:14

Tigani gûtangîka nîûndû wao! O nî atongoria atumumu. Mûtumumu agatongoria mûtumumu ûrîa wîngî, wa oîrî nîmagûcaga îrimarî.”

Kûguû 16:1

Ngîcoka ngîgua mûgambo mûnene kuuma hekarûrî ûkîra araika acio mûgwanja atîrî, “Thiîni nthî na mwîtûrûre mbakûri cia marakara ma Ngai!”