Jeremia 13:26 - ÎVUKU RÎA ÛVORO MWARO

²⁶ Nie nîngûkûnja nguo nginya kîongo, na njaga yaku nîîkonekana.

Jeremia 13:26 ပူးပေါင်းရင်းမြစ်များ

Isaia 47:3

Andû nîmakoona njaga yaku, na nîmakoona gîconoko gîaku. Nie nîngerîvîrîria na ndikeguîra mûndû wanarî ûmwe ntha.”

Jeremia 13:22

Na ûngîyûria na ngoro atîrî, “Maûndû mama marekîka nîkî, kûrî nie?” Nîûndû wa ûrîa mevia maku mengîvîte, nîkîo gîtûmîte ûkûnjûa nguo, na ûkamenyanwa nawe kîîmwîrî na vinya.

Jeremia 49:10

Nwatî nie ndigîte njiarwa cia Esaû itarî kîndû, na nîngunûrîte kûrîa methithîte, ndangîvota kwîthitha rîngî. Andû onthe a Esaû nîmacûkangîtue; gûtirî wanarî ûmwe wao mûtigaru.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Ezek 16:37

Kwoguo, nîngaaûngania anyanya aku onthe arîa wekenagia nao, arîa onthe mwanendana nao wana andû arîa ûthûrîte. Nîngaatûma magûkîrîre maumîte na mîena yonthe, na ngûrute nguo nîguo makwone ûrî njaga.

Ezek 23:29

Nîûndû wa ûrîa makûthûrîte, nîmagaagûcuna indo ciaku irîa ûtûîre ûthûkûmaga na magûtige ûrî njaga ûtarî nguo. Nayo njaga ya ûmaraa waku nîîkonekana, ûmaramari na ûraa waku cionekane.

Hosea 2:10

Ngamûruta nguo atigwe arî ndûûrû mbere ya arata ake, na gûtirî mûndû ûkangiria.

Hosea 2:12

Nîngacûkangia mîthavibu yake na mîkûyû yake, irîa augaga atî arîvirwe nî arata ake, Nîngaamîtua mûtitû îrîcagwe nî nyamû cia kîthaka.

Nahumu 3:5

Ngai-Mûnene mwene vinya wonthe arauga atîrî, “Nîngûkûverithia we Nineve! Nîngûkûruta nguo wîthîrwe wî njaga, na ndûme andû a mavûrûri moone njaga yaku, na mothamaki moone gîconoko gîaku.